Kryeministri i Shqipërisë Edi Rama mësohet se është i ftuar në festën ‘mistike’ të organizuar nga partia e kryeministres së Italisë Giogia Meloni, festë e cila zgjat 4 ditë nga 14 dhjetori në 17 dhjetor.
Sipas mediave të huaja frymëzimi për organizimin e këtij eventi, Melonit i erdhi në vitet ’90, teksa merrte pjesë në një festival-kamping të quajtur “Hobbit Camp” e organizuar nga lëvizja italiane post-fashiste “Movimento Sociale Italiano”.
Këtë herë ndryshe nga 26 vitet e fundit, festa do të ketë edhe më shumë shkëlqim pasi do të jetë i ftuar edhe miliarderi Elon Musk dhe personalitete të ndryshme të politikës botërore.
Musk njihet si mbështetës i konservatorëve amerikanë, ku tashmë në krye të “X”, ish-rrjeti social Twitter, i ka dhënë hapësira të reja zërave të eskrtemit të djathtë, madje shpesh duke i promovuar ai personalisht.
Sipas Piero Garofalo, profesor i Studimeve Italiane në Universitetin e Neë Hampshire në Mbretërinë e Bashkua, Atreju është “më pak një konventë politike sesa një ngjarje politike partiake”.
Festivali, i cili këtë vit do të ketë një fshat Krishtlindjesh dhe një shesh patinazhi në akull, përmban koncerte, ekspozita, debate dhe humor të orientuara nga të rinjtë dhe ka një fokus socializmin dhe jo vetëm të folurit për politikë.
Një vit më parë, festivali “Atreju” mblodhi së bashku personalitete të famshme si kryeministri hungarez Viktor Orban dhe këshilltari i presidentit amerikan Donald Trump, Steve Bannon.
“Festivali tani shërben si një platformë për të shfaqur statusin ndërkombëtar të Giorgia Melonit dhe integrimin e së djathtës italiane në komunitetin ndërkombëtar,” shtoi Garofalo.
Po ashtu, i pranishëm do jetë edhe kryeministri britanik Rishi Sunak i cili nuk ndan të njëjtën qasje me Melonin për trajtimi ne fluksit të emigrantëve. Ndërsa presidentja e Komisionit Evropian, Ursula Von der Leyen ka refuzuar ftesën.
