Gjatë një komunikimi për mediat, kryeministri Edi Rama duke iu referuar shtimit të rasteve me COVID-19 në Shqipëri tha se nëse do të vazhdohet kështu do të kemi një rimbyllje.
Duke komentuar situatën, ai tha se me protestat dhe tubimet që u mbajtën gjatë qershorit, organizatorët u dha një shembull i keq.
“Një mbyllje tjetër do të ishte dërrmuese. Por nëse vijon kështu situata, do të na duhet të mbyllemi sërish. Por jam i bindur se jemi ende në kohë”, tha Rama.
Kryeministri Edi Rama gjithashtu u shpreh se grumbullimet nuk do të lejohen më. “Kush merr pjesë në grumbullime në grupime më të mëdha sesa numrat e lejuar do të penalizohet.
Bizneset që nuk zbatojnë protokollet nuk do të tolerohen më. Përveç gjobave do të rrezikojnë edhe humbjen e lirisë.
Qytetarët do të lëvizin lirisht, por do të penalizohen nëse kapen në shkelje në hapësirat publike. Të më ndjeni por kështu jo më”, shprehet Rama.
