Një 62-vjeçar është ekzekutuar me armë zjarri nga dy persona, në Liqenin e Tiranës në kryeqytet.Policia bëri me dije se viktima ishte shtetasi H.B, 62-vjeç, i cili ishte duke bërë vrap nën shoqërinë e djalit të tij të mitur.
Sipas informacioneve të para kanë qenë dy persona me armë zjarri, të cilët kanë ekzekutuar 62-vjeçarin.
Viktima është qëlluar nga 2 persona të maskuar 3 herë me armë zjarri. Autorët kanë qenë të veshur me xhupa dhe kapuçë te zinj, e më pas janë larguar me motor në drejtim të Fakultetit të Gjuhëve të Huaja.
E hoqën njërin qafe në liqen. Nga larg u dëgjuan 4-5 krisma, menduam ndonjë fishekzjarr.”
Njëri prej atentatorëve të dyshuar mban inicialet I.S dhe është nga qyteti i Fierit, ndëras autori tjetër dyshoshet I.B, nga Fieri.
Raportohet se viktima është Haxhi Baçinozi.
Por, kush është Haxhi Baçinozi? Mësohet se viktima është një ish-i përndjekur politik.
Më 30 janar 1982, Gjykata Ushtarake e Tiranës e dënoi me 10 vjet heqje lirie dhe humbjen e së drejtës elektorale për 5 vjet kohë për «agjitacion e propagandë». U dënua sërish më 3 qershor 1984, kësaj radhe me 21 vjet heqje lirie dhe humbjen e së drejtës elektorale për 5 vjet kohë për «veprën e terrorit në bashkë-punim» (dënim i kombinuar).
Lidhur me ngjarjen, policia ka identifikuar autorët me inicialet I.H dher I.M dhe është vënë në kërkim të tyre, ndërsa mësohet se krimi ka ndodhur në sy të djalit të viktimës.
Shkaqet janë ende të paqarta.
