Siç bëjnë me dije mediat e huaja, Giannis Lagos ish deputet i “Agimi të artë” do të kalojë natën në izolimin e burgut Domokos sonte sipas procedurës së vëzhgimit në mënyrë rigoroze në kuadër të masave për frenimin e përhapjes së pandemisë.
Menjëherë pas mbërritjes në burg, ish-eurodeputeti do t’i nënshtrohet një testi molekular për COVID-19 dhe më pas do të dërgohet në një zonë të veçantë derisa të dalin rezultatet që pritet të jenë gati nesër në mëngjes.
Nëse testi është negativ ai do të zhvillojë një takim me drejtorin e burgut për komunikimin e vendit të paraburgimit.
Avokati i Lagos ka njoftuar do të paraqesë një kërkesë për transferim në burgun Korydallos duke përmendur statusin e deputetit.
Pas paraqitjes së kërkesës, pritet të mblidhet komiteti i transferimit, që do të vendosë nëse do ta pranojë apo jo.
Lagos kishte Turqinë, si një prej shënjestrave të tij të preferuara. Në të shkuarën ishte penalizuar nga drejtuesit e PE-së pas grisjes demostrative të një flamuri turk në seancat parlamentare duke ulëritur në mes të sallës, deri kur iu fik mikrofoni.
Pavarësisht se Parlamenti Europian është i familjarizuar me fjalimet që nxisin urrejtje, Lagos nuk është si gjithë të tjerët. Ai ishte zyrtarisht një kriminel i dënuar nga drejtësia greke, pasi u shpall fajtor në muajin tetor, duke u dënuar me 13 vite burg për rolin në ngritjen dhe drejtimin e Agimit të Artë, që gjykatat e shpallën organizatë kriminale.
