Pasi u konsiderua si “molla e sherrit” në ngjarjen që ndodhi në zonën e ish-Bllokut në Tiranë, ku mbeti i vrarë një person dhe dy të tjerë u plagosën, këngëtarja Elvana Gjata është shpallur në kërkim. Në ngjarjen e rëndë është përfshirë edhe i dashuri i saj Ervin Mata, i cili gjithashtu është në kërkim.
Por ndërsa të gjithë presin që këngëtarja të vijë dhe të japë dëshminë e saj për ngjarjen, është publikuar klipi i saj më i ri, ku ajo shfaqet shumë seksi. Ka qenë bashkëpunëtori në këtë projekt, producenti amerikan PooBear, ai që ka publikuar videon e re, ku Elvana ka nxjerrë të gjitha asetet, ndërsa ndërron disa veshje transparente, të cilat i ka veshur pa të brendshme.
“Shade” titullohet klipi që mban emrin e PooBear ft. Elvana dhe që vjen në gjuhën angleze. Me një imazh super të kuruar, këngëtares i del më shumë sesa duhet pjesa intime në skenat mjaft të nxehta me veshje provokuese, të bëra jo pa qëllim nga artistja për këtë projekt ndërkombëtar.
Por ndryshe nga lançimi i projekteve të mëparshme, të cilat Elvana i publikonte vetë në profilet e saj zyrtare me mbi 1 milion ndjekës, këtë herë “Instagram”-in e ka pushtuar heshtja, që pas ngjarjes së rëndë në Bllok, ku mbeti i vrarë një person. Kujtojmë që Poo Bear është producenti, me të cilin Elvana nisi bashkëpunimet, që do t’i hapnin rrugën drejt famës ndërkombëtare, sipas panorama.
Pas rënies në kontakt me të, ajo u vendos për pak kohë në Shtetet e Bashkuara të Amerikës, ku punoi për realizimin e këngëve në gjuhën angleze. Me rikthimin e saj në Shqipëri, Elvana Gjata ishte shumë kreative në lançimin e disa projekteve të njëpasnjëshme. Fillimisht ajo nxori albumin e saj “3EP”, që ishte në gjuhën shqipe dhe u prit mjaft mirë nga publiku.
Pas tij, këngëtarja njoftoi edhe bashkëpunimin e saj me një nga reperat më të njohur në botë, Ty Dolla Sign. Gjithashtu, ajo publikoi këngën “Off Guard”, që u kthye brenda pak ditësh në hit. Këngëtarja, prej kohësh, po punonte me producentin Poo Bear për tregun ndërkombëtar dhe ishte pikërisht kënga “Shade” që ai e publikoi si këngë fillimisht në “Youtube”, para gjashtë muajsh.
Kjo këngë, ndryshe nga të tjerat, erdhi pa një videoklip, për të cilin, mesa duket, ata kanë punuar këto muaj dhe që u publikua dje nga producenti. Le të shohim se si do të vazhdojë karriera e Elvanës, pas ngjarjes ku u përfshi dhe emri i saj bashkë me partnerin Ervin Mata.
