Ritmi i fushatës së vaksinimit të Evropës Covid-19 është rritur dhe në shumë vende normat e infeksionit kanë rënë. Bllokimet gradualisht po lehtësohen përpara verës dhe sezonit turistik. 27 vendet anëtare të BE synojnë të kenë një certifikatë dixhitale të vaksinimit për udhëtime deri në fund të qershorit.
Franca kaloi kuotën e 20 milionë personave që kanë marrë të paktën një dozë të vaksinës kundër Covid-19. Lehtësimi i masave nisi ditën e mërkurë, me rihapjen e dyqaneve, restoranteve dhe objekteve kulturore.
Lajmi u bë i ditur nga kreu i Elizesë Emmanuel Macron dhe kryeministri i vendit në rrjetin social Twitter. Në Spanjë, turistët zbarkuan në plazhet përrallore pasi disa rajone të vendit filluan të hapen gradualisht pas izolimit total. Ministri i Turizmit Fernando Valdes tha se Spanja “do të jetë gati” të përdorë një pasaportë Covid deri në Qershor.
Pjesa më e madhe e Italisë tani është në një “zonë të verdhë” që do të thotë se baret dhe restorantet janë të hapura. Shumica e studentëve janë përsëri në shkollë, dhe disa ngjarje kulturore në natyrë janë të lejuara.
Në fillim të majit Greqia gjithashtu rihapi plazhet, baret dhe restorantet e saj. Turizmi është një sektor jetësor për ekonominë greke dhe lehtësimi i masave pritet të ndihmojë këtë sektor i cili bëri që viti 2020 të ishte viti rekord më i keq i parë ndonjëherë për turizmin.
