Qeveria e Albin Kurtit ka “injoruar” shtetin shqiptar dhe nuk ka zhvilluar asnjë komunikim me Edi Ramën për situatën e tensionuar në veri të Kosovës.
Rama tha se as nuk do tentojë të zhvillojë bisedime me Kurtin për këtë çështje. Gjate emisionit Fevziu u shfaq i “shqetesuar”, kurse Rama ia preu shkurt duke i thënë se nuk mund të mbajë përgjegjësi pasi: “Unë nuk jam babai i Kosovës“.
“Jam takua me Kurtin dhe Osmanin, por nuk kemi patur diskutime për situaten ne veri. Nuk kemi patur komunikim, pasi është një çështje që është përgjegjësi e kryeministrit të Kosovës, janë ata që vendosin nëse duan apo jo të flasin për këtë çështje.
Nuk jam unë ai që u them ore çfarë do bëni. Kosova është konsultuar kur ka dashur dhe nuk tani nuk ka kërkuar të diskutojë këtë gjë me mua.
Nuk ka patur një diskutim se nuk e kanë kërkuar dhe nuk jam unë ai që duhet tua dërgoj një diskutim të tillë. Janë ata që janë në krye të një shtetit demokratik dhe nuk jam unë babai i Kosovës. Është e drejta e tyre që mos të konsultohen me ne”, tha Rama.
