Florenc Hoxha, ish-kreu i Policisë Bashkiake është shoqëruar në komisariatin nr.1 të Tiranës. Balkanweb, shkruan se Hoxha është konfliktuar fizikisht me një person.
Mësohet se ngjarja ka ndodhur mbrëmjen e sotme tek ish-Tregu Elektrik në Tiranë,për një vend parkimi të automjetit.
Mësohet se Hoxha është konfliktuar me një tjetër person për një vend parkimi të automjetit.
Ende nuk dihet saktësisht si ka rrjedhur debati që ka bërë që Hoxha dhe personi tjetër të përleshen fizikisht e të përfundojnë në polici.
Policia është lajmëruar nga dëshmitarët që kanë parë sherrin dhe më pas, uniformat blu kanë shoqëruar Hoxhën në komisariatin nr.1 të Tiranës.
Florenc Hoxha, ish-kryetar i Inspektoriatit Ndërtimor në Bashkinë e Tiranës është një emër mjaft i njohur për Policinë e Tiranës. Ai është shoqëruar disa herë në komisariat dhe herë e fundit ndodhi pasi u fotografua në protestën e opozitës.
40-vjeçari, banues në Tiranë është arrestuar në viitn 2015 nga policia e Tiranës pasi ka kanosur se do t’u prishte lokalin dhe ka goditur me grushta dhe shkelma dy personam e inicialer K.K, 35 vjeç, banues në Tiranë dhe E.K, 37 vjeç, banues në Tiranë.
Ndërsa në vitin 2014, Hoxha, është përfshirë në një përleshje, ku ka mbetur vetë i plagosur.
