Ish-deputeti me kobure, Gent Strazimiri, mbështetës i Sali Berishë, ka komentuar vizitën e sekretarin amerikan Blinken në Shqipëri.
Strazimiri: Vizita e Sekretarit të Departamentit Amerikan të Shtetit është një gjithmonë ngjarje e rëndësishme për Shqipërinë. Sepse deri tani kanë ardhur dhe kanë komunikuar me shqiptarët, për problemet e shqiptarëve dhe për fatet e Shqipërisë.
Vizita e zotit Blinken nuk është e paragjykuar, në fakt është e gjykuar për shkak të agjendës. Qëllimi i ardhjes së tij nuk është që të diktojë për problemet që ne kemi, për faktin që Shqipëria po rrokulliset çdo ditë në majat e klasifikimit të korrupsionit, të largimit nga Shqipëria, të mungesës së lumturisë, të imponimit të qeverisë. Të një qeverie që nuk e kanë zgjedhur vetë shqiptarët. Por siç thotë edhe njoftimi zyrtar, është për të falënderuar qeverinë e jo shqiptarët, që priti afganët, Nuk është sigurisht ndonjë çështje që u intereson shqiptarëve.
Gjithsesi mund të falënderojnë sa herë të duan. Mund të vijnë edhe një herë në vit të falënderojnë për këtë punë qeverinë. Qeveria, në fakt ky është problemi që ka, që në vend që të zgjidhë hallet e shqiptarëve, ju bën qoka cilido prej atyre që është disponibël të vijë e të thotë, të na tregojë neve se sa qeveri të mirë kemi. Nga kjo pikëpamje, vizita e zotit Blinken do të pasohet qartësisht nga disa vizita të drejtuesve të shtetit italian për të ardhur dhe për të shprehur mirënjohjen e tyre se po iu japim Gjadrin dhe gjithë Zadrimën si një burg për emigrantët e paligjshëm nga Afrika.
Me gjasë siç mora vesh para nja dy javësh mund të vijë edhe kryetari i CSU gjermane, bavarezi i famshëm i Gjermanisë, i cili po ashtu mendon se do të ketë diku një cep në këtë vend ku të sjellë edhe ai disa afrikanë emigrantë dhe sigurisht të vijë të falënderojë qeverinë me shumë mirënjohje dhe shumë sinqeritet sepse nuk ka qeveri tjetër në këtë glob që do të mund t’ja bënte këtë vendit të saj vetëm për të konsoliduar veten në pushtet, pavarësisht të pabërave që i bën popullit.
Përveç kësaj, unë mendoj se vizita e zotit Blinken është tashmë e vulosur. Në çfarë pikëpamje. Zotin Blinken deri tani e kanë keqpërdorur disa herë. Më lejoni t’ju kujtoj jo vetëm thjesht faktin e shpalljes non-grata pa asnjë provë të pro-amerikanit par exellence në Shqipëri, Sali Berishës. Në qoftë se janë të vërteta ato që i dimë, gurët kilometrikë në miqësinë pas rilidhjes se marrëdhënieve me SHBA, të gjithë mbajnë firmën e Sali Berishës. Do të thotë miku par exellence i SHBA sot ndodhet i padëshiruar me firmën e Antony Blinken në SHBA. Ndërkohë që persekutori është nga 7.5 miliardë shpirta që ka kjo botë, e kanë zgjedhur në 17 më të mirët që janë heronjtë e luftës kundër korrupsionit në një vend të mbytur në korrupsion. Ku kampionat kundër korrupsionit nuk është bërë, por që kampion kemi Ardian Dvoranin.
Janë të gjithë gjëra që për fatin e keq, tregojnë nivelin më të ulët të marrëdhënies midis një administrate amerikane dhe popullit shqiptar. Nga kjo pikëpamje vizita e zotit Blinken është historike, por historia mund të shkruhet edhe për mirë, mund të shkruhet edhe për keq. Ajo që pres të thotë është, asgjë më shumë se rikonfirmimi i këtyre gabimeve që sapo ju përmenda të politikë së kësaj administrate amerikane kundrejt Shqipërisë, kundrejt popullit shqiptar.
Fakti që në pikën më të ulët të zhvillimit të demokracisë në Shqipëri, të një vendi që e ka mbytur korrupsioni, ku 87 për qind e njerëzve duan të largohen të kërkojnë shpëtim diku tjetër pa patur një plan, projekt apo para, me këtë lloj administrate me këtë lloj qeveri të kesh marrëdhëniet më të mira, kjo do të thotë që marrëdhëniet midis Shqipërisë dhe Amerikës në fakt janë në pikën më të stopuar të tyre.
