Ka zgjatur vetëm 30 minuta mbledhja e Komisionit të Rithemelimit në selinë e Partisë Demokratike. Në një prononcim të shkurtër për mediat, ish-kryeministri Sali Berisha tha se gjatë mbledhjes u diskutua për strukturat e PD-së. Duket se ka qenë një gjest vetëm për të bërë qokën pasi dështoi në presionin e drekës. Ai është ulur në karriken e Lulzim Bashës në krye të tavolinës, duke shmangur kështu kreun e Komisionit të Themelimit të e zgjodhi vetë; Belind Këlliçin.
“Pa diskutim, do normalizohet cdo gjë. Vendimmarrje të reja, është një proces që po ecën mirë. Edhe sot janë marrë vendime për organizimin që kanë të bëjnë me strukturat e PD-së” – tha Berisha pas mbledhjes.
I pyetur nëse duhet të ishin shmangur trazirat e 8 janarit, Berisha tha se kërkon të shohë përpara tashmë.
I pyetur nëse mund të ishin shmangur ngjarjet e 8 janarit, Berisha i përgjigj shkurt: Dua të shoh përpara.
Komunikimi i Berishes me gazetaret
Pyetje: A do te hiqen dyert e blinduara?
Berisha: Pa diskutim, do normalizohet cdo gjë. Vendimmarrje të reja, është një proces që po ecën mirë. Edhe sot janë marrë vendime për organizimin që kanë të bëjnë me strukturat e PD-së.
Pyetje: A duhet të ishin shmangur ngjarjet e 8 janarit?
Berisha: Unë dua të shoh përpara.
Më herët gjatë ditës së sotme, ish-kryeministri Sali Berisha sëbashku me disa përfaqësues nga Komisioni i Rithemelimit, u takuan me kryetarin e komanduar të PD-së, Enkelejd Alibeajn dhe Sekretarin e Përgjithshëm Gazmend Bardhi.
Më pas, në një konferencë për mediat, Berisha deklaroi se gjatë bisedimeve u shtrua çështja e bashkimit të demokratëve me anë të votës së lirë.
Ai theksoi edhe njëherë se do të garojë për kryetar partie, duke ftuar çdo demokrat që dëshiron të kandidojë.
Në një konferencë të ndarë, Enkelejd Alibeaj tha se nuk ka pasur shenja bashkimi nga diskutimi me Berishën.
Kryetari i Komanduar deklaroi se do të ndjekë në Apel vendimin e Gjykatës së Tiranës e cila njohu statutin miratuar në Kuvendin e 11 dhjetorit të organizuar nga Komisioni i Rithemelimit. Alibeaj u shpreh se një parti që synon të ngrejë vlerat demokratike dhe amerikane, nuk mund të drejtohet nga një person non-grata.
Së fundmi, ai u shpreh se do të presë vendimin e gjykatës së apelit.
