Në protestën që do të mbahet nesër në Tiranë, me sa duket nuk do të marrë pjesë asnjë student! Sipas një burimi të ardhur në postën elektronike të ekskluzive.al, bënë me dije se ditën e nesërme, një grup të rinjsh, e FRPD së Durrësit, janë instruktuar dhe organizuar të vijnë të protestojnë në kryeqytet.
PD ka udhëzuar disa gjoja studentë, për të protestuar me gjoja kauzën e “studentëve”, por që qëllimi kryesor është mbajtja gjallë e protestës me kërkesa e prapavijë politike, e mos u habisni nëse ndonjë prej tyre kërkon uljen e çmimit të naftës e jo tarifës shkollore.
Burime për gazetën bëjnë me dije, se tre personat e mëposhtëm, janë drejtuesit e protestës së studentëve nga Durrësi në Tiranë, që vetëm student nuk janë, por aktivist të PD-së në qytetin bregdetar.
Artion Bajramaj
Bajramaj është qartazi simpatizant i Partisë Demokratike. Ai ka qenë kandidat për kryetar i FRPD në Durrës, por humbi zgjedhjet. Aktualisht ai është një ndër të rinjtë më aktiv në Forumin Rinor në këtë qytet pasi kryetarja e këtij forumi është person nën hije që nuk del në asnjë rast në mbështetje të kauzave të PD, në qarkun e Durrësit.
Bajramaj është një aktivist i zjarrtë i PD, dhe është parë në disa protesta të organizuara nga PD, por edhe në protestat e Shoqërisë Civile i cili shkon atje i maksuar si qytetar pa parti.
Bajramaj është munduar gjatë gjithë kohës të jetë influent brenda PD, kjo edhe për shkak të mbështetësve të tij të shumtë, dhe arsyea se përse ai humbi zgjedhjet ishte pikërisht Igli Cara që ishte kundërshtar me Bajramajn.
Isa Myzyraj
Ish-anëtarë i Organizatës Politike, të Arlind Qorrit. Mjaft aktiv në këtë organizatë dhe në Lëvizjen për Universitetin deri para pak muajsh, dhe ai është përjashtuar nga kjo organizatë për arsye ende të paqarta, dhe është ndër rastet e rralla kur organizata përjashton anëtarë.
Myzyraj është parë duke qenë mjaft aktiv në OP komuniste-markiste. Por jo vetëm kaq, Myzyraj është qartazi një vegël e PD, që aktivizohet në Durrës dhe jo vetëm sa herë PD, ka nevojë për të. Rrjeti i tij është i gjerë dhe konsiderohet mjaft i besueshëm dhe për këtë PD, e aktivizon herë pas herë. Ai ka shërbyer në fushatën e 2017 në Durrës, përkrah Oerd Bylykbashit. Dhe po gjatë kësaj fushate Myzyraj njihej si një ndër personat “apolitik” që e sulmonte fort Igli Carën, i cili ishte i kampit anti-Basha.
Asgjë nuk ishte e rastësishme, pasi Myzyraj gjatë fushatës ka qëndruar pas Bylykashit dhe çiftit të famshëm Dejana dhe Dritan Burgija, ku e para ka qenë kandidate për deputete. Gjithashtu Isa Myzyraj njihet si një student në Durrës i cili ka lobuar fort në fushtën e zgjedhjeve në Universitete për Rektoren e tanishme Kseanela Sotirofski, dhe dekanin Andon Kume, të dy sot personat mjaft me influencë në UAMD.
Para zgjedhjeve Myzyraj sulmonte fort Universitetin, dhe pas zgjedhjeve, me ardhjen në drejtim të njerëve që ai i mbështet ai filloj befas duke reklamuar fort UAMD. Ajo që mbetet pikërpyetje dhe mjaft dyshuese është se si arriti në pak vite ky person të ketë influencë në grupime të mëdha, dhe të konsiderohet i “besueshëm” kudo që ai futet?
Jola Hysaj
Jola Hysaj është një pedagoge me post drejtues në Partinë Demokratike të Durrësit.
Hysaj prej ditësh, është mjaft aktive në facebookun e saj, duke lajmëruar protestën e studentëve, madje edhe pse eshtë pedagoge në profilin e saj në facebook ka të shkruar “Unë jam Student”
Për vetë faktin që ajo është funksionare në PD, Durrës ajo merr guximin dhe hyn në auditore me megafon së bashku me deputeten Fatbardha Kadiu.
Ajo po mundohet në çdo mënyrë të kalojë protestën e studentëve në Durrës në favorin e PD, madje ajo herë pas herë vë në dispozicion edhe autobusë nga Durrësi në Tiranë për studentët falas, që “nuk dihet” kush i paguan.
Për të tre këto informacionin me tej, per ta bere te sigurte mund ta ilustroni edhe me foto nga facebookun e tyre.
