Në internet po qarkullon një foto e pazakontë, sikurse dhe krimi i kryer nga ana e 24 vjeçarit Ritvan Zykaj, i cili pasi vrau gjakftohtësisht 8 familjarët e tij, gjen kohën dhe kthen komente në rrjetin social Facebook, ndërkohë që policia i është vënë nga pas.
Forca të shumta policie si RENEA, FNSH dhe DELTA FORCE po e kërkonin prej 12 orësh, deri në momentin e arrestimit mëngjesin e sotëm, vetëm disa metra larg vendit të krimit makabër.
Duke marrë parasysh kryerjen e krimit, lëvizjet e tij në zonë dhe interaktivitetin me komentues të ndryshëm në facebook, Zykaj nuk duket aspak si një njeri, që ka nevojë për përkujdesje mjekësore psikologjike.
Madje, vrasjet me sa duket janë kryer gjakftohtësisht mbi 8 anëtarët e familjes së tij, me të cilët ishte kushërinj, në drejtim të të cilëve zbrazi dy karikator me fishekë me armën kallashnikov.
Ndërsa në facebook komentuesit i shkruajnë, se dënimi me vdekje është pak për të, Zykaj ka gati përgjigjen dhe me një fjalor banal i shkruan:
“Çmë keni çarë k***n”
Zykaj e sfidoi haptazi policinë, e cila dyshon se vrasësi ka hyrë online në rrjetet sociale përmes një IP kompjuteri. Ai e ka fikur telefonin pak minuta pas ngjarjes./Ekskluzive.al
