Më datë 3 tetor të vitit 1988, në moshën 73-vjeçare, vdiq Franz Josef Shtraus, një nga politikanët e njohur të Gjermanisë. Shtraus u lind më 6 shtator 1915. Në vitin 1949 zgjidhet deputet i Bashkimit Kristian Socialdemokrat. Nga viti 1953 -1955 emërohet ministër i Punëve Sociale. Në vitin 1955 ministër i Energjetikës. 1956 -1962 ministër i Mbrojtjes. Në vitin 1962 zgjidhet Kryetar i Bashkimit Kristian Demokrat. Nga viti 1966 -1978 zgjidhet ministër i Thesarit.
Politikani i lartë gjerman, Franc Jozef Shtraus, si kryeministri i Landit të Bavarisë, e vizitoi Shqipërinë tre herë në harkun e viteve 1984-1987. Vizitën e parë e bëri më në gusht 1984, të dytën në maj 1986 dhe të tretën në nëntor 1987.
Herën e parë erdhi në rrugë tokësore me një tip xhipi nga Hani i Hotit,
Herën e dytë mbëriti në aeroportin e Rinasit me një avion të vogël çarter, që e drejtonte vetë.
Në të dy rastet vizita ishte jo-zyrtare. Dhe meqenëse nuk ishin zyrtare, u pasqyruan shumë pak në shtypin dhe median shqiptare.
Në nëntor 1987 ai erdhi pas vendosjes së marrdhënieve diplomatike Shqipëri-Gjermani, për të takuar ish Presidentin Ramiz Alia dhe për ta uruar tashmë zyrtarisht për marrëdhëniet diplomatike, të cilat ishin vendosur më 2 tetor të po atij viti.
Sipas komenteve të Deutsche Welle, Shtrausi është treguar pragmatik në marrëdhëniet me Shqipërinë. Ai ishte i ftohtë ndaj ideologjisë sunduese. Dy vizitat e para, ndonëse jo-zyrtare, ndihmuan në njohjen më të mirë të Shqipërisë në R.F. Gjermane dhe shpejtimin e hapave për lidhjen e marrëdhënieve diplomatike.
Kryeministër i Bavarisë u nda nga jeta më 3 tetor 1988, pas një ataku në zemër
