Shpresoi shumë deri në fund Shkelzen Berisha, djali i ish kryeministrit Sali Berisha që ta mbyllte çështjen e hetimit të aferës së CEZ dhe DIA me procedurë.
Kishte dhe precedentë të mëparshëm, pasi Lulzim Basha kreu aktual i PD dhe njëherësh miku i të motrës Argita Berisha Malltezi pikërisht me procedurë shpëtoi nga hetimi dhe dënimi për abuzimin me 230 milionë euro në Rrugën e Kombit.
Ishte pikërisht studio ligjore e Argita Berishës që ia sygjeroi Bashës në atë kohë mbylljen me procedurë dhe përmes raporteve mjekësore të hetimit për Rrugën e Kombit. Dhe Basha ia doli.
Të paktën për atë kohë, pasi tani pritet hapja e kësaj dosjeje të rëndë për buxhetin e shqiptarëve dhe që mund ti garantojë Bashës qëndrimin në qeli për shumë kohë.
Pikërisht mbylljen me procedurë të çështjes i ka sygjeruar Argita Berisha Malltezi dhe vëllait të saj, jo fort në binarë.
Shkelzen Berisha pasi dëshmoi njëherë në Prokurori, dhe pasi mori masat që sekseri i tij Nuel Kalaj të zhdukej nga qarkullimi e të mos dëshmonte, mendoi se po skadonte afati dhe çështja do të mbyllej.
Por Prokuroria e surprizoi teksa kërkoi shtyrjen e hetimit dhe për tre muaj të tjera, duke kërkuar sërish që të dëshmojnë Sali Berisha dhe Nuel Kalaj. Të cilët ende nuk kanë dëshmuar për aferën 414 milionë euroshe të CEZ, tërheqjen e 7 milionë eurove në një ditë në një bankë të nivelit të dytë dhe abuzime të tjera. Të cilat bashkë me abuzimin e kompanisë DIA të Kastriot Ismailajt e kalojnë shumë e 500 milionë erove abuzim.
Kur ka parë se ka dështuar ta mbyllë çështjen e hetimit të aferës së CEZ e DIA me procedurë, Shkelzen Berisha ka vendosur të largohet jashtë vendit për një kohë të pacaktuar.
Pra personi tjetër nën hetim i larguar në drejtim të paditur pas ish kryeprokurorit Adriatik Llalla është pikërisht Shkelzen Berisha.
Një lajm që prokuroria në mënyrë jozyrtare e ka konfirmuar për “Pamfleti” dhe që pritet të lëshojë dhe një urdhër për thirrjen e Zenit me forcë për të dëshmuar në prokurori dhe për detaje të tjera rreth aferës së CEZ dhe DIA-s.
Djali i ish kryeministri Sali Berisha, për shkak të akuzave që ka mbi shpinë për abuzime të forta në kurriz të shqiptarëve, është frikësuar nga burgu.
Pikërisht mungesa e argumenteve kundër akuzave që ka mbi shpinë, dhe frika për përfundimin në qeli për shkak të shtrëngimit të situatës tashmë që është dhënë rekomandimi për hapjen e negociatat dhe kërkohet me ngulm arrestimi i “peshqve të mëdhenj”, ka bërë që Shkelzeni të ikë jashtë vendit.
As deklarata e dashnores së tij Armina Mevlani se është në prag të martesës, apo se ka nisur të komunikoje më vjehrrin Sali dhe vjehrrën Lirie, madje as fakti që deklaron se është shtatzanë nuk e ka “zbutur” aspak qëndrimin e Prokurorisë.
Organi i akuzës ka shtyrë dhe tre muaj afatin për kopsitjen e plotë të dosjes së Shkelzen Berishës për aferën e CEZ e DIA për ta dërguar më pas në Gjykatë.
Dosja e korrupsionit CEZ e DIA që i ka kushtuar shtetit shqiptar mbi 500 milionë euro dëm, pritet të marrë me vete dhe Sali Berishën, Ilir Metën dhe Genc Rulin.
