Analisti i njohur, Frrok Çupi ka zbardhur të gjitha prapaskenat e lirimit të papritur nga qelia të dhëndrit të Sali Berishës, Jamarbër Malltezi. Sipas tij, gjykatësja Ilirjana Olldashi që e nxori nga burgu është në konflikt interesi.
“Ajo thjesht ka përfituar një apartament me çmim banal, dhe ka pritur aty te dritarja e apartamentit si një mace e bindur deri ditën kur bosi të ketë nevojë e kjo t’i hidhet në grykë edhe vetë krijesës hyjnore për llogari të bosit”, u shpreh Çupi.
Mesazhi i koduar i Berishës
Po ashtu, ai ka zbuluar dhe një mesazh të koduar që Berisha ka dhënë pak ditë më parë nga frika e prangave të SPAK për veten dhe fëmijët e tij. “Saliu kishte pasur një ‘deal’ të fortë me SPAK për të realizuar planin e burgosjes së dhëndrit. Por edhe sipas Kanunit shqiptar, shpjegimi i shenjave të çon në këtë pikë. Sipas shenjave, kur Saliu i çoi fjalë mikut (babait të Jamarbërit, Luan Malltezi), se ‘ke një djalë të shkëlqyer’, kjo ka kuptim kapital.
Kuptimi ishte i qartë: ‘Tani mbaje djalin tënd, unë kam fëmijët e mi’. Siç lëshohej gruaja në zakonet e Mesjetës; vinte një ditë që çohej në derë të prindit. Që atë ditë, askush në familjen Berisha nuk u mor më me dhëndrin; lufta e ‘mbretit’ për të djegur Parlamentin u ndez vetëm për të mbrojtur lëkurën personale të mbretit.
Data 21 Nëntor, me lidhje thuajse Masone me 21 Tetorin, ra si surprizë në këtë familje. As e prisnin e as e donin lirimin e dhëndrit. Çfarë ndodhi në 30 ditshin Masonik? Ose ka ndodhur njëra, ose tjetra; arsye të tretë nuk ka: E para, që gjatë kohës në burgjet ‘e Ramës’ tharmi politik i Jamarbërit u sterilizua dhe tani nuk vlen më për fronin e mbretit- kjo është e para.
Ai ishte kandidat për kryetar i PD, madje vetë sekretar. E dyta është se gjatë muajit të mungesës, gjërat dhe rolet kanë ndryshuar në familje. Fati, deri në 21 Tetor, i kishte shënuar Jamarbër Malltezit që të luante rolin e Makbethit, ‘të vriste mbretin dhe t’i zinte vendin’. Edhe të shoqen e kishte me vete, siç është shkruar në tragjedinë e Sheksipirit. Me këtë rast evitohej edhe ‘lufta e përgjakshme’ për pushtet mes vëllait e motrës: Asnjëri nuk do ta merrte fronin, por në fron vinte një i tretë. Në fund të fundit, ‘vrasja e babait’, siç thonë në fjalor politik, po afron.
‘Vdekja politike’ tani është një realitet; Sali Berisha është një mbret gjakatar që urrehet nga shumica dhe nuk ka as më të voglin besim politik. Edhe familjarët e tij kanë nisur ta përqeshin si të ishte një homeless; sidomos gratë. Kur Policia trokiste në derë e thërriste ‘duam Sali Berishën’, Liria- e shoqja, u thoshte se ‘nuk ndodhet në shtëpi’. Sipas kodeve ku ka lindur edhe Saliu, burri që nxjerr gruan për të hapur derën e burrave, ka rënë në pozita të ulëta. Gruaja, në këtë rast, përgjigjet:
‘Kjo shtëpi nuk ka burra!’… Edhe e bija e bëri ‘hasha’ të atin mbret. Ajo u tha se ‘Sali Berisha nuk banon në katin e tetë, por në katin e katërt…, atje poshtë!’. Bija, Argita, deri tani ka mundur të ‘lërë atje poshtë’ një mbret dhe dy ‘Makbethë’ meshkuj të familjes.
Herën e fundit, ‘bija e mbretit’ kreu akte të forta ‘me kode’ që lexohen si gjurmë pranë majës së mbretërisë: E para, doli bulevardit të Tiranës, e veshur klas sipas saj, me ndryshime kirurgjie në fytyrë, dhe sfidonte. Shumë kush e lexoi këtë akt sikur ‘bija e mbretit’ po sfidonte Drejtësinë, gjykatat, fatin e sa, krejt popullin…. Por nuk lexohet kështu. ‘Bija e mbretit’ po sfidonte vetë mbretin ekzistent dhe Makbethin kandidat, Jamarbër”, u shpreh Frrok Çupi.
Pagesat marramendëse të familjes “Berisha”
Si Sali Berisha, por edhe djali i tij Shkëlzeni, sipas Frrok Çupit kanë bërë pagesa marramendëse për të prishur dhe mbyllur çështjet që mund t’i prishin punë me drejtësinë. Ai përmend dy dosje, atë të 21 janarit dhe Gërdecit.
“Mes më të lakueshmit dhe mes më të dobëtëve, ‘Berisha Family’ zgjodhi nga ata tipa që janë gati t’i venë thikën në fyt fukarait, të miturit, të sëmurit, madje edhe të pasurit…, por me qëllim që të fitojë ‘B. Family’ dhe vetë ai që e kryen krimin.
Prandaj Berisha ka rreth vetes shumë kriminelë, vrasës, hajdutë dhe njerëz të neveritshëm. Ata paguajnë për gjykatësen, të paguajnë për të vrarë në Gërdec e mandej për të ngritur gjyqe në Amerikë, pastaj për të vrarë në bulevard… O zot, sa shumë!. Kaq shumë barrë nuk mund të mbajnë njerëzit e zakonshëm, duhet të ishin të gjithë kuçedra të vjedhjes e krimit”, u shpreh Çupi.
