Ambasada Amerikane ka postuar një video në rrjetet sociale, në të culët ka radhitur gjyqtarët dhe prokurorët që kanë rënë në Vetting.
“Jeni të interesuar të mësoni më shumë rreth reformës në drejtësi? Ndiqni podcast-in e dytë të serisë PodAlbania të prodhuar nga një grup pjesëmarrësish të programeve të shkëmbimit të Departamentit të Shtetit, me mbështetjen e Ambasadës së Shteteve të Bashkuara. Kjo seri synon të sjellë në vëmendje disa nga temat më të rëndësishme që prekin shoqërinë tonë”, shkruan Ambasada Amerikane.
Më tej, Ambasada ka njoftuar se shumë shpejt do të ngrihet SPAK për të hetuar zyrtarët e korruptuar dhe krimin e organizuar.
“Reforma në drejtësi dhe procesi i vetting-ut në veçanti ka dhënë rezultatet e para. Më shumë se 50 gjyqtarë dhe prokurorë janë shkarkuar për shkak se nuk justifikuan pasurinë dhe kontakteve të papërshtashme me botën e krimit. Paralelisht me pastrimin e sistemit janë ngritur institucionet e reja, Këshilli i Lartë i Prokurorisë dhe Këshilli i Lartë Gjyqësor. Këto institucione kanë nisur nga puna për ngritjen e SPAK dhe shumë shpejt ky institucion do të hetojë zyrtarët e korruptuar dhe krimin e organizuar”, shkruan më tej Aambsada Amerikane.
