Gazetari Artan Hoxha ka folur ashpër ndaj opozitës dhe kreut të saj për vendimin për të mos marrë pjesë në zgjedhje.Sipas Hoxhës, është e pashpjegueshme dhe e pakuptimtë dorëzimi i 27 bashkive në tavolinë ku opozita dorëzoi bastionet e saj me të cilat pretendonte të futej edhe në zgjedhjet e parakohëshme.
“Unë nuk gjej dot në shpjegim kur ti duhet të futesh në garë për të fituar ti dorëzon 27 bashki në tavolinë. Trishtimi i militantëve është se kanë humbur bastionet e tyre. Nuk e kuptoj këtë lëvizje të opozitës që dorëzoi bastionet e saj si Shkodra, Kukësi, Vora, Kamza, Kavaja e tjerë. Nuk e di si do të shkojë në zgjedhje të parakohëshme ky kur 61 bashkitë i drejton kundërshtari politik. Çuditërisht ne sot kemi një opozitë me mijëra mbështetës por që nuk kanë asnjë pushtet dhe përfaqësim në pushtetin vendor apo qëndror”,-deklaroi Artan Hoxha.
