Në një status në rrjetet sociale, Tufa shtron pyetjen se nuk e di se si do ta bëjë Braho shkrimtarin të mos gjejë vrimë të futet, duke ironizuar edhe njerëzit e këtij të fundit, teksa i quan ‘ushtria e tij e fantazmave me hajdutë të dhjamosur si shoku Fatos Sevo Tarifa’
Agron Tufa reagon nga Zvicra pas shkrimit të Brahos: Si do ta bëjë ushtria e tij e fantazmave me hajdutë të dhjamosurAgron Tufa dhe Spartak Braho4 Dhjetor, 2019 23:01
TIRANË– Shkrimtari Agron Tufa ka reaguar pas një shkrimit të publikuar ditën e sotme nga deputeti i Partisë Socialiste, Spartak Braho, teksa ky i fundit shkruante se edhe atje ku ka ikur (referuar azilit që ka marrë shkrimtar) të gjejë vrimë të futet pasi nuk u shpëton dot denoncimeve.
Në një status në rrjetet sociale, Tufa shtron pyetjen se nuk e di se si do ta bëjë Braho shkrimtarin të mos gjejë vrimë të futet, duke ironizuar edhe njerëzit e këtij të fundit, teksa i quan ‘ushtria e tij e fantazmave me hajdutë të dhjamosur si shoku Fatos Sevo Tarifa’
Statusi i Agron Tufës
NO COMENT: “Unë i pari, por edhe të tjerë mendoj se do të bëjmë të pamundurën që edhe atje ku ka kërkuar azil politik të mos gjejë vrimë ku të futet…”
Spartak Braho
(Gazeta “Dita”, 4 dhjetor 2019)
P.S: mua si shkrimtar, joindiferent ndaj vetes, më bën pështypje jo pyetja “pse”, por pyetja “SI”. SI do ta bëjë këtë Taku dhe ushtria e tij e fantazmave me hajdutë të dhjamosur si shoku Fatos Sevo Tarifa?
Ditën e sotme në një artikull të publikuar në “Gazetën Dita”, Braho shkruante se Tufa iku i ngopur me lëkt e shtetit. Ndër të tjera ai shtonte se ‘edhe atje ku ka kërkuar azil politik të mos gjejë vrimë ku të futet dhe do ta denoncojmë zyrtarisht si një hajdut dhe me vese tejet të rrezikshme shoqërore. Të mos pandehë Tufa se e hodhi pa u lagur.’
Drejtori ekzekutiv i Institutit për Studimin e Krimeve dhe pasojave të Komunizmit në Shqipëri (ISKPK), Agron Tufa ka kërkuar azil politik në Zvicër. Vetëm dy ditë më parë u bë publik lajmi se Tufa ishte larguar bashkë me familjen e tij drejt Zvicrës pas kërcënimeve të shumta që ka marrë për shkak të detyrës, të cilat po i rrezikonin jetën.
Agron Tufa ka qenë në qendër të sulmeve nga maxhoranca, të cilët e akuzonin se po shtrembëronte historinë dhe e kërcënuan me shkarkim nga pozicioni që mban. Debatin më të ashpër publik Tufa e ka pasur me deputetin e PS, Spartak Braho.
Herë pas herë, vetë shkrimtari ka publikuar në rrjetet sociale mesazhet kërcënuese që ka marrë, edhe nëpërmjet avokatit të tij Kujtim Cakranit. Tufa publikoi edhe mesazhet në rreshtat e të cilëve shkruhej edhe se e priste gropa.
Si nisi përplasja?
Më 1 prill 2019, Braho ka akuzuar Tufën, se po nxin historinë. Braho tha se Tufa, me punën e tij tek Instituti i Krimeve dhe Pasojave të Komunizmit, po njollos historinë e luftës Nacional-Çlirimtare dhe heronjtë e saj.
Tufa i është deklaratave të deputetit të PS-së, duke i bërë thirrje drejtësisë që të ndërhyjë për të parandaluar ndonjë tragjedi, pasi sipas tij, Spartak Braho ka dënuar politikisht gjatë kohës së regjimit të Enver Hoxhës njerëz të pafajshëm, duke i mbyllur në çmendinë.
Në kohën që replikat vazhduan, ish-ambasadori Fatos Tarifa u bë pjesë e debatit duke e quajtur Tufën “fshatar”, ndërkohë që edhe Sabit Brokaj u bë pjesë e debatit.
