Lihet i lirë pas 40 ditësh indiani i arrestuar në Shqipëri për një skemë e mashtrimi në vendlindje.
Hitesh Patel ka lënë qelinë pasi u mbajt 40 ditë në paraburgim, ndërsa tashmë është lënë në “a.rrest shtëpie” dhe ruhet nga forcat e policisë në banesën e tij në Tiranë.
Zbutja e masës së sigurisë për 59 vjeçarin pas përfundimit të masës me afat 40 ditor të shpallur nga Gjykata e Tiranës, ndërkohë që pritet të mbërrijë nga India dosja e të akuzuarit.
Patel u arrestua me qëllim ekstradimi drejt Indisë më 20 mars, pasi ishte shpallur në kërkim ndërkombëtar për pastrim parash.
Grupi Sterling Biotech e ka akuzuar indianin për mashtrime bankare.
Patel është një nga të akuzuarit kryesorë në këtë skandal dhe është kunati i vëllezërive Sandesara, Nitin dhe Chetan Sandesara. Tashmë pritet të ekstradohet shpejt në Indi.
Patel ishte një instrument për vendosjen e drejtorëve kukulla në kompanitë guacka (fantazmë) qe përdoreshin nga Sandesaras.
Ministria e Jashtme e anuloi mandatin e Konsullit të Nderit për Nitin Sandesaren, ndërkohë që Prokuroria deklaroi se kishte nisur hetimet edhe per shpërdorim detyre për të kuptuar se cili nga institucionet ka shkelur ligjin gjatë procedurave për dhënien e shtetësisë shqiptare, të kërkuarve nga gjykata e New Delhit.
