Analisti Frrok Çupi ka ngritur akuza të rënda ndaj sistemit gjyqësor shqiptar, duke deklaruar në emisionin “Real Story” në ABC News se drejtësia është kthyer në një sistem me “dy pushtete” ku ligji mungon.
Sipas tij, veçanërisht në Gjykatën e Posaçme është krijuar një klimë antiligjore dhe amoraliteti, ku gjyqtarët po mbajnë anën e padrejtësisë.
Çupi u shpreh se tentativa për të liruar Sali Berishën nga burgu, sipas tij përmes ndikimit politik dhe parave, përfaqëson një goditje të rëndë ndaj integritetit të gjyqësorit dhe theksoi se drejtësia në këtë formë nuk ofron më asnjë derë ku qytetari të kërkojë të drejtën.
“Mendoj se gjëja ka kaluar përtej standardeve, mendoj se ka dy pushtete në drejtësi dhe kur ka dy pushtete ligji mungon. Vetëm në Gjykatën e Krimeve të Rënda nuk ka ligj, është arratisur nga ligji, nuk ka asnjë.
Është arratisur nga ligji sepse ka dy pushtete. Në Gjykatën Speciale përfaqeshit antiligjor dhe antimorali, sepse një parti politike që ndërhyn në drejtësi është një parti e ulët. Atje ka hyrë anësia tek e padrejta, nuk ka gjë më të rëndë në drejtësi se sa gjykata të mbajë anën e padrejtë.
Tani nuk ke asnjë derë se ku të trokasësh. Mendo që gjykate ca cenuar integritetin dhe kanë kërkuar që të lirojnë nga burgu Sali Berishën. Sali Berisha me milionat që ka nëpër xhepa e ka mundur drejtësinë, është një grusht. Gjykata nuk mund t’i lirojë duart për të bërë një padrejtësi”, tha Çupi.
