Skena të frikshme shiheshin sot në qendër të Parisit teksa sulmues që mbanin haptazi automatikë në duar u larguan me bixhuteri nga një argjendari Chanel, ironikisht përballë ministrisë franceze të drejtësisë.
Katër kriminelët ishin regjistruar ne kamera duke dalë të qetë nga argjendaria luksoze pasi kishin mbushur çantat e tyre me objektet e çmuara.
“Është një grabitje,” tha një dëshmitar i shtangur teksa xhironte skenat me celularin e tij.
Grabitësit mbanin kokore me xhama të ulur teksa grabitën dyqanin Chanel në sheshin e famshëm Place Vendome.
“Më duket se nuk kishte fare siguri në atë dyqan,” tha një tjetër dëshmitar. “Çdo gjë ndodhi brenda disa minutave.
“Ata ndaluan me dy motoçikleta dhe hynë brenda. Urdhëruan ata që ishin aty të shtriheshin përtokë dhe më pas mblodhën bizhuteritë dhe orat luksoze”, shtoi dëshmitari.
“Më pas ata u larguan me motoçikletat e tyre teksa automatikët e mëdhenj u dukeshin hapur në dorë”.
Në grabitje besohet se nuk janë lënduar njerëz, ndërsa kriminelët u larguan përgjatë rrugës Rue de la Paix.
Argjendaritë në Paris janë goditur shpesh nga grabitjet gjatë viteve, siç ka ndodhur deh me shtëpitë e personazheve të njohur.
https://twitter.com/BorisKharlamoff/status/1522215709052309505?ref_src=twsrc%5Etfw%7Ctwcamp%5Etweetembed%7Ctwterm%5E1522215709052309505%7Ctwgr%5E%7Ctwcon%5Es1_c10&ref_url=https%3A%2F%2Ftop-channel.tv%2F2022%2F05%2F05%2Fgrabites-me-automatike-vjedhin-argjendarine-chanel-ne-qender-te-parisit-foto-video%2F
