Ishte 13 dhjetori i vitit 2019, kur modelja dhe vajza e “titanit” të Formula 1 Bernie Eçkestone, Tamara Eçlestone, ishte për pushime me bashkëshortin dhe vajzën e saj, duke mos e ditur se do të bëhej pjesë e një prej grabitjeve më të mëdha në historinë e Britanisë.
Tre persona kanë marrë tashmë dënimin për vjedhjen e bizhuterive, gurëve të çmuar dhe diamantësh në shtëpinë e modeles, ndërsa një prej tyre, një shtetas serb, është marrë “nën mbrojtje” nga autoritetet serbe, duke mos lejuar ekstradimin në Britani.
Ljubomir Romanov, i njohur për policinë si Danijel Vukovic, akuzohet se ka udhëhequr një seri vjedhjesh në shtëpitë luksoze të tre personave të famshëm në dhjetor 2019, duke përfshirë edhe grabitjen prej 25 mln paundësh në shtëpinë e Eçleston.
BBC ka siguruar dokumente të cilat tregojnë se policia e Londrës ka paraqitur një kërkesë për ekstradimin e tij nga Serbia më 14 prill 2021 në Gjykatën e Lartë në Beograd, Departamenti Special për Krimin e Organizuar.
Ndërkohë sipas të dhënave të gjykatës, kërkesa është refuzuar më 15 korrik të po atij viti.
Disa muaj më vonë më 13 tetor, ky vendim u ankimua, por Gjykata e Lartë në Beograd e rikonfirmoi vendimin e saj.
Detajet në dokument thonë se Ljubomir Romanov është “banor i ligjshëm” i Serbisë dhe se për këtë arsye baza ligjore për ekstradim nuk është plotësuar.
https://videos.dailymail.co.uk/video/mol/2022/07/21/8946979680561023667/640x360_MP4_8946979680561023667.mp4?_=4
