Grida Duma e ftuar në emisionin ‘Kapital’ në Vizion Plus,ka thënë se asgjë nuk mund të parashikohet tanimë në politikën shqiptare.
Por ajo është shprehur e sigurt se nuk mund të ketë zgjedhje lokale më 30 qershor pa PD, a thua se PD e katandisur si pulë pa kokë, përfaqësohet nga ca njerëz mediokër pa asnjë vlerë si puna e zarve të gjuetisë së karriges që ka mbledhur Luli rreth vetes.
POr Grida mendon se:
‘Zgjedhjet as që bëhet fjalë të mbahen pa PD. Nuk mund të ketë opozitë artificiale. Nuk mund të jetë askush kaq i papërgjegjshëm që të çoje një vend anëtar të NATO në zgjedhje pa opozitë’, tha Duma.
Duke folur për objektivin e lëvizjes radikale, atë të dorëzimit të mandateve, Duma ka deklaruar: ‘Objektiv nuk është rrëzimi i kësaj qeverie dhe ardhja e një qeverie të djathtë. Mund të jetë një qeveri tjetër e majtë, por jo me Edi Ramën’.
Këtu është problemi, sepse opozita do të emëroi kryeministrin, një si Luli dhe t’i jepet ndonjë shpresë se një ditë mund të fitoi zgjedhje në Shqipëri.
Lidhur me rolin e faktorit ndërkombëtar qe ka dënuar pa ekuivok dorëzimin e mandateve, Duma ka thënë se: ‘Ndërkombëtarët janë duke kryer detyrën e tyre. Ata duan zgjidhje institucionale, kjo është normale nga ana e tyre. Ne po punojmë që t’i bindim ata që beteja jonë jashtë institucioneve është për t’i bërë vetë institucionet funksionale’.
