Gjatë seancës së sotme në Kuvend, ishte një skenë ku Doktori fliste ulur i rrethuar nga Strazua si fotograf dhe Muli si bodigard, ndërsa Luli me telefon në vesh bridhte lart e poshtë nëpër sallë.
Kjo skenë tërhoqi shumë vemendjen e demokratëve të cilët u shqetësuan pse Luli nuk dëgjonte fjalimin e Doktorit por fliste në telefon.
Grigja e cila qëndron afër Lulit shpjegoi çfarë kishte ndodhur.
Luli ishte i shqetësuar pasi e mori Kunati në telefon dhe i tha të lidhej urgjent me gruan e tij se kishte ndoidhur diçka tek shtëpia në Hollandë. Luli mori gruan në telefon dhe ajo i shpjegoi se kur kanë ikur të dielën mbasdite kanë lënë ujin pa mbyllur dhe zorra e ujit po vazhdon të ujisë lulet në ballkon, duke krijuar shqetësim për komshiun poshtë. Kjo ka bërë që komshiu të lajmërojë policinë dhe policia të shkojë të kërkoj të zotët e shtëpisë. Pasi ka verifikuar se ata jetojnë mes Shqipërisë dhe Hollandës, policët kanë marrë në telefon ambasadën shqiptare në Hollandë dhe i kanë kërkuar të lajmërohet personi në fjalë.
Ambasada e ka sqaruar që ai është deputet në Kuvendin e Shqipërisë dhe nuk mund ta njofojnë për arsye personale.
Pas kësaj policia ka njoftuar Ministrinë e Jashtme holandeze dhe e ka pyetur nëse kanë ndonjë ide se çfarë marrëdhënie kemi me Parlamentin e Shqipërisë. Ministria ka pyetur në Parlamentin e Hollandës dhe aty i kanë thënë se jemi shumë të zemëruar me disa deputetë të Parlamentit, pasi ata na kanë sharë sikur ne jemi përdorues hashashi, ndaj ata nuk kanë faj që janë kultivues hashashi se punojnë për ne.
Pas kësaj policia kishte keqkuptuar bisedën dhe ka menduar se Luli ka lënë ujin hapur se kultivon hashash në ballkon dhe kishin shqyer derën. Pasi kishin bërë kontroll banese të përciptë, kishin mbyllur ujin dhe kishin lënë një gjobë 200 euro për shqetësimin e ngjallur në komunitet.
Luli po dëgjonte gjithë këtë shpjegim nga gruaja dhe ishte i shqetësuar se kush do ta paguante gjobën. Pas kësaj Gonia i Vlorës mësoi për atë që i kishte ndodhur Lulit dhe e siguroi se do t’ia paguante ai gjobën. Pas atij momenti Luli u qetësua dhe u përqëndrua prap në seancë.
