Një person i pestë është a.rrestuar si i dyshuar për përfshirje në grabitjen e Rinasit me 9 prill. Kapja e autorit të 5-të, identiteti i të cilit nuk dihet ende, është bërë jashtë Shqipërisë në bashkëpunim me INTERPOL-in.
Lokalizimi i tij është bërë nga policia bullgare. I a.rrestuari dyshohet se ishte larguar nga Shqipëria pak ditë pas grabitjes në Rinas.
Më herët për grabitjen në Rinas janë a.rrestuar Alkond Bengasi 34 vjeç, Renaldo Sula, 25 vjeç Saimir Çela, 28 vjeç, të tre banues në Elbasan dhe 38-vjeçari Oltian Veseli, banues në Krujë.
P.rangosja e tyre u krye 13 ditë pas ngjarjes. Dy prej tyre kishin në pronësi servisin që gjendet në rrethrrotullimin e Bradasheshit në Elbasan, atje ku dyshohet se u modifikua dhe makina me logon “Hetimi Tatimor”.
Në lidhje me ngjarjen policia ka shpallur në kërkim disa pesona mes të cilëve ish-punonjësin e policisë Mariglen Hoxha, që dyshohet se ka informuar autorët për oraret e lëvizjes së parave.
Sipas policisë, në furgonin që u përdor nga autorët për të marrë paratë nga avioni i “Austrian Airlines”, janë gjetur dhe sekuestruar prova të mjaftueshme për të zbardhur plotësisht ngjarjen.
