Pep Guardiola njihet si një trajner që nuk i ka pëlqyer kurrë lojtarët “e bezdisur” në dhomat e zhveshjes, shembujt më të mirë për këtë janë Mario Mandzukic dhe Zlatan Ibrahimovi? të cilët u larguan nga Bayern dhe Barcelona kryesisht për shkakun e tij.
Ndërkohë Erling Haaland është aktualisht “nëntëshi” më i mirë në botë, norvegjezi është fantastik drejt portës kundërshtare dhe ka arritur të shënojë 22 gola. Haaland është rikthyer sonte në Dortmund, ku ka përjetuar një “shuplakë” nga Guradiola që sigurisht nuk e priste. Gjithçka ndodhi në pjesën e parë të ndeshjes.
Golashënuesi norvegjez ishte titullar dhe kishte një pjesë të parë të vakët, ndërsa në pushim u prit me një dush të ftohtë. Guardiola vendosi të lërë në stol lojtarin e tij më efektiv, duke lënë kështu shumë të habitur. Tashmë ka nisur të spekulohet se për çfarë bëhet fjalë. Disa shprehen se Guardiola është duke testuar autoritetin e tij ndaj norvegjezit. Sigurisht, një gjë të tillë nuk do t’ia bënte kurrë Lionel Mesit.
