Bota ka ndryshuar shumë shpejt nga fundi i luftërave botërore dhe nuk flasim vetëm për avancimin e teknologjisë. Ka ndryshuar mënyra e jetesës, traditat, raportet në familje dhe liria si dhe të drejtat e grave.
Në vitin 1955 një gazetë e quajtur Housekeeping Monthly, publikoi një artikull të titulluar “Guida e gruas së mirë”, në këtë artikull kishte një listë me sjellje të cilat gratë duhet ti bënin që të quheshin të mira dhe të respektueshme. Shohim cilat janë këto sjellje:
Përgatit ushqimin para kohe në mënyrë që të jetë gati kur burri të vijë nga puna, kështu ai do të mendojë se ke menduar për të gjatë kohës që nuk ka qenë aty.
Ndërprit gjithçka që je duke bërë 15 minuta para se ai të vijë në shtëpi, vish diçka të pastër dhe rregullo grimin.
Burri duhet ta gjejë shtëpinë e pastër dhe në rregull, hyr në çdo dhomë për të kontrolluar nëse çdo gjë është në rregull.
Në dimër bëj që burri ta gjejë shtëpinë e ngrohtë kur vjen nga puna pas një dite të lodhshme pune.
Kujdesu për fëmijët, laji duart dhe fytyrën si dhe vishi me diçka të pastër. Kërko ti qetësosh nëse janë duke qarë, apo duke u sjellë keq. Fik çdo aparat që mund të bëjë zhurmë.
