Gazetari Artan Hoxha komentoi se pse gjyqtari Skënder Damini shkoi në polici. Ai foli edhe për paratë e gjetura në banesën e gjyqtarit.
Hoxha tha:
“Operacioni i policisë sot ka qenë ajo që ka surprizuar mediat. Policia respektoi një urdhër kontrolli të lëshuar nga prokuroria për të kontrolluar shtëpitë e tre gjyqtarëve të rastit të Dritan Dajtit. Ligji shqiptar e ndalon që të kontrollosh një qytetar të thjeshtë në orën 5 të mëngjesit dhe jo më gjyqtarët.
Kemi të bëjmë me një urdhër të lëshuar nga kolegë të tyre gjyqtarë. Gjyqtarët e kontrolluar kanë të drejtë të kërkojnë dëmshpërblim. Njërit prej gjyqtarëve iu gjetën 17 mijë euro në shtëpi para që rezultojnë të jenë të djalit të tij që është biznesmen”.
