Kryeministri i Shqipërisë, Edi Rama ka pritur ditën e sotme bashkë me antarët e qeverisë, komisionerin evropian për Zgjerim dhe Politikën fqinjësore, Johannes Hahn, vizita e të cilit shënon nisjen e fazës përgatitore të procesit përgatitor për hapjen e negociatave.
Në fjalën e tij Rama ka falënderuar komisionarin Hahn për punën dhe këmbënguljen e tij që Shqipëria të integrohej. Sipas tij, tanimë është në dorën e tyre që të vazhdojnë me përmbushjen e masave të përcaktuar
Shqipëri & BE, negociatat për anëtarësim, faza përgaditore
Falënderoj zotin Hahn për vizitën. Është vizitë e posaçme në këtë mbledhje të qeverisë dhe gjithë atyre që të jenë pjesë e këtij hapi madhor për vendin, me synim afrimin dhe për të bërë të mundur me nisjen formale të procesit që Shqipëria të ketë një avantazh kohor. Besoj që vendimi i marrë në një moment kompleks për BE, ku siç dihet për arye të dinamikave të brendshme të disa vendeve u desh një përpjekje e jashtëzakonshme e të gjithëve duke nisur nga Komisioneri, ekipi i tij, shefja e diplomacisë Mogherini dhe presidenti i KE-së. Pasi vetëm me dhënien e rekomandimit pozitiv pa kushte por edhe me këmbënguljen që Shqipëria të integrohej bënë të mundur që procesi të çlirohej. Tani kërkohet një angazhim solemn në të gjitha strukturat. Prej sot deri në pranverën e ardhshme jemi të detyruar që të garantojmë me efikasitet kohën për të vijuar proceset e nisura dhe për të arritur rezultate që janë detyrime për të ardhmen e vendit tonë. Patjetër që kemi lexuar me vëmëndje, kemi lexuar rresht për rresht dhe besoj që jemi shumë të qartë për detyrat që këto konkluzione meritojnë. Dëshiroj të theksoj tre aspekte me këtë proces përgatitor që do na shoqërojë deri në pranverën e ardhshme. Procesi të vazhdojë dhe të ngrihet mbi procesin e stabilizim asocimit. Aspekti i dytë është përmirësimi mi i komunikimit me vendet anëtare dhe misionin e BE në Tiranë. Aspekti i tretë lidhet me rendësin themeltare që procesi teknik dhe ai politik të veprojë në mënyrë elastike me njëri-tjetrin. Asgjë nuk na pengon që të bëjmë një punë me cilësi të lartë dhe pa asnjë të sharë. Plotësimi i këtyre masave do të monitorohet nga këshilli i ministrave. BE e ka bërë shumë të qartë që konflikte për çështje kufinjsh nuk do të mbartet brenda BE. Kjo është një shtysë shumë e rëndësishme. Në marrëveshjen me Greqinë nuk e bëjmë se na e kërkon Brukseli por se duam të lëmë pas një Shqipëri më të mirë.
Qeveria do të ketë si koordinatore për këtë proces Ministrinë për Europen dhe Punët e Jashtme, ministri e cila do të shëndrohet në sekretariatin e ardhshëm për procesin e integrimit. Shqipëria dhe Maqedonia ia dolën të kapërcejnë dallgën e madhe të momentit, varet nga ne zhvillimi i proceseve për të ecur para por rruga është e pakthyeshme. Padisktim që kjo fazë e re e kësaj rruge aspak të lehtë nuk do të shihej me aq optimizëm nëse nuk do të kishim përkrah komisionerët, të cilët treguan një përkushtim shumë të shtrenjë për Shqipërinë.
Qoftë Franca apo Holanda u hapën dhe ofruan një zgjidhje pozitive kompromisi që e vlerësojmë shumë ashtu sikundër vlerësojmë faktin, që pas kësaj marrëdhëniet tona me komisionin dhe këto vende që na kanë mbështetur, por edhe Francën dhe Holandën janë forcuar dhe intensifikuar. Me Presidentin e Francës apo kryeministrin e Holandës kam parë vullnet pozitiv për të vendosur në dispozicion eksperiencën dhe mbështetjen e tyre me dëshirën e madhe që Shqipëria t’ia dalë dhe bindjen e krijuar, që qershori i ardhshëm do të jetë i formalizimit të negociatave. I shpreh komisionerit mirënjohjen për gjithçka ka bërë dhe besimin që ne do ia dalim falë edhe mbështetjes. Rezultatet edhe të vettingut po flasin cdo ditë, pavarësisht se nuk ka asnjëherë asgjë perfektë, pastrimi i sistemit të drejtësisë është i pakthyeshëm dhe përjashtimi i shumë figurave që mbanin deri dje peng drejtësinë dhe ishin super pushteti, janë provë e vullnetit dhe drejtësisë së gjithë asaj pune. Rruga deri në funksionimin e plotë të drejtësisë është ende e gjatë.
Ndërsa Johannes Hahn tha se ky është hapi i parë në nisjen e procesit dhe i kërkoi qeverisë se për procesin e punës përgatitore të negociatave duhen njerëz të kualifikuar dhe burime të mjaftueshme buxhetore për misionin e dërguar në Bruksel.
Shpresoj që të jetë një model kjo tryezë edhe për të tjerët. Është një klimë mjaft e mirë. Këshilli vendosi një objektiv me rëndësi në fund të qershorit, që çon drejt hapjes së negociatave. Unë gjithnjë e them ‘ose do të eksportojmë stabilitet, apo do importojmë instabilitet’. Por kur bëhet fjala për Ballkanin do të ishte kompletimi i diçkaje, që ka filluar që në 1989, që kur Europa filloi të ribashkohet dhe ky ribashkim do të përfundojë vetëm atëherë kur vendet e Ballkanit do të anëtarësohen në BE. Vendet e BE, kujton se zgjerimi është investim strategjik. Për të nisur këtë proces për të mos humbur kohë, është e rëndësishme për qytetarët që të dëshmojmë angazhim të fortë dhe nuk duam të humbasim asnjë ditë. Vlerësimi analitik, është një proces një proces tërësor dhe i detajuar. Në muajt në vijim do të jenë mjaft kërkues, nga shtatori do të zhvillohen takime në Bruksel për kapitujt, sidomos për 23 dhe 24, po hartojmë një kalendar që administrata të bëjë të gjitha përgatitjet. Të cakohen burime të mjaftueshme në personel dhe buxhetore që të përballeni me këtë proces teknik dhe të detajuar. Po shoh ministrin e Financave, por nuk është vetëm ai, në cdo ministri duhet një personel me përvojë, pasi do të negocioni, jo vetëm me ne, por do të negocioni me drejtoritë e specializuara të komisionit, duhen njerëz me përvojë.
