Hajdari: Kurrë nuk e mendoja se do shihja presidentin e vendit tim të sulmonte ndërkombëtarët

Deputetja e PD Rudina Hajdari ka reaguar pas deklaratave të Presidentit Ilir Meta kundër ambasadorëve të huaj në vendin tonë. Ajo thekson se nuk mendonte se do të ishte dëshmitare në historinë postkomuniste të Shqipërisë që një president shqiptar të sulmonte ambasadën e SHBA-ve dhe OSBE-në. Ajo shprehet e turpëruar për këto deklarata dhe i kërkon falje të gjithë diplomatëve për këtë çmenduri. “Asnjëherë nuk mendoja se do të shihja një ditë në post-komunizmin e Shqipërisë ku presidenti i vendit tonë do të sulmonte Ambasadën e Shteteve të Bashkuara dhe OSBE-në dhe diplomatë të tjerë të nderuar. Ky është një turp dhe ndjehemi të turpëruar. Kërkoj falje të gjithë diplomatëve tanë për këtë çmenduri”, thekson Hajdari.