Armand Duka ka qenë shënjestër prej kohësh e deputetit socialist Erjon Brace, i cili prej disa vitesh e akuzon kreun e Federatës Shqiptare të Futbollit si njeriu që mban peng lojën më të bukur sportive dhe njëherësh të ardhmen e këtij sporti në Shqipëri. Brace e akuzon Dukëns e ka shtrembëruar kampionatin nëpërmjet arbitrave, aleancave dhe trukimeve, duke zbehur bukurinë e lojës dhe duke larguar njerëzit nga stadium. Natyrisht, si tifoz i Partizanit këto qëndrime janë përforcuar më shumë dhe akuzat e hedhura edhe publikisht nuk kanë munguar.
Nisma më e fundit e Bracez, si pjesëtar i Kuvendit të Shqipërisë, ishte ndaj Drejtorisë së Tatimeve të Tiranës, që i kërkonte të ndërhynte në FSHF për të zbardhur raportet financiare të këtij institucioni prej vitit 2010.
Kjo kërkesë e Tatimeve, që nuk u pranua nga FSHF, me justifikimin se ishte e paligjshme, në fakt solli një panic të thellë të zyrtarëve të federatës, pasi janë të zhytur kokë e këmbë në mashtrime e manipulime. Të gjithë bien dakord se nëse bëhet një audit financiar, Dukën e pret burgu. Por Duka si mjeshtër i metodave nënrrogoz, njoftoi UEFA-n dhe FIFA-n se po ndërhyhej politikisht, duke përdorur pikërisht deputetin Brace që ndodhej pas kërkesës së tatimeve.
Për t’u hakmarrë ndaj tij, Duka ka zgjidhur “zagarët” nga litarët dhe i ka hedhur në sulm, për të kafshuar Erjon Bracen. Qëndrimet emocionale të Braces në stadium, shpesh jashtë natyrës së tij e në kundërshtim me rregulloret sportive, kanë shërbyer si “ushqim” për “zagarët” në FSHF, të cilët me porosi të Dukës po sulmojnë si asnjëherë tjetër për të njollosur figurën e deputetit.
Këta individë, që vijnë nga komisionet e arbitrimit dhe komisione të tjera në federatë, nuk kanë folur asnjë fjalë deri më sot për skandalet e futbollit shqiptar, për gjyqtarët e shndërruar në kamikazë dhe që po shkatërrojnë futbollin shqiptar, këta që nuk folën asnjë fjalë për kurdisjet dhe manipulimet e mëdha në ndeshjet e futbollit, dalin pikërisht tani, duke treguar një hakmarrje të verbër të Dukës ndaj deputetit.
Kanë marrë porosi nga shefi të mos lënë fjalë pa përdorur, t’i shkojnë sa më thelllë një cështjeje që nuk përbën problemin e vërtetë të futbollit dhe largojnë vëmendjen nga gjendja reale, atje ku futbolli lëngon dhe përgjegjës është pikërisht “Enveri i futbollit tonë”, Armand Duka. /Pamfleti Sport
