U kthye në shtëpi i dehur dhe kur vajza i kërkoi çantë dhe fletore të re për të shkuar në shkollë, humbi kontrollin, ku fillimisht rrahu egërsisht të bijën dhe më pas gruan.
Është kjo ajo që ka ndodhur në Imola të Italisë, natën mes 16 dhe 17 shtatorit. Fatmirësisht e mitura arriti të lajmërojë policinë dhe agjentët arritën në kohë që të ndalojnë furinë e burrit. Historia u përhap me shpejtësi në media dhe rrjetet sociale, ku disa nëna nisën mbledhje ne parave për plotësimin e nevojave të së miturës.
Ndërkohë një vajzë 10 vjeçe i shkroi kryebashkiakes së Imola, “Unë kam vetëm 15 euro kursim dhe do ja jepja me shumë dëshirë asaj vajze për të blerë fletore. A mund t’ia jap përmes teje?”
Një veprim të cilin kryebashkiakja, Manuela Sangiorgi e ndau në rrjetet sociale, ku shkroi, “Chiara, të falënderoj për mesazhin dhe zemrën tënde të madhe. Të pres këtu në bashki bashkë me prindërit e tu, për të të përqafuar. Të gjithë fëmijët kanë të drejtë të studiojnë dhe të jenë të lumtur, pasi nëse duam të kemi një botë më të mirë duhet të investojmë fortë tek ju”.
Babi dhunues u dërgua në burgun e Bologna, ndërsa vajza, një nxënëse e shkëlqyer do mund të vijojë shkollën, pasi për shkak të historisë së përhapur, u mblodhën fonde për të blerë materialet e shkollës.
