Një vajzë ka treguar se si e ka zbuluar tradhëtinë e dy njerëzve të saj më të afërt. Historia e trishtë është rrëfyer nga vajza në një letër.
“Jam një 30-vjeçare me origjinë nga Thethi. Prej vitesh jetoj në Itali ku kam studiuar dhe aktualisht punoj në një punë shumë të mirë.
Çdo gjë në jetë e kam arritur me forcat e mia.
Para disa vitesh kam qenë e lidhur 3 vite me një djalë shqiptar. E doja shumë dhe kisha shumë dëshirë që ne të dy të fejoheshim dhe të krijonim një familje.
Unë atë kohë jetoja në shtëpi me vajzën e hallës, të cilën e kisha marrë në Itali unë që të kishte një jetë më të mirë dhe të shkollohej.
Ajo ishte më e vogël se unë dhe kështu e mbaja afër për çdo gjë. I kam paguar studimet dhe i jepja edhe para xhepi. Me pak fjalë përgjigjesha unë për të.
Normalisht e merrja në fundjavë kudo që dilja me të dashurin. Kudo shkoja unë dhe ai, do ta merrja dhe atë me vete se më vinte keq ta lija vetëm në shtëpi.
Sepse edhe shoqëri ende nuk kishte krijuar.
Por muajt e fundit vura re se ai sillej çuditshëm me mua, u ftoh. Kurse kjo nuk po pranonte më të dilte me të të dy kur e ftoja.
Por nuk më shkonte mendja gjallë në botë se ata të dy kishin krijuar një lidhje pas shpinës time. Derisa mori kjo guximin dhe me lot në sy më pranoi se ishin bashkë.
E kam rrahur atë ditë në shtëpi, sa ja kam shkulur të gjitha flokët. Nuk ma ktheu dorën.
Të dashurin e ndava, e ai më tha që ka rënë në dashuri me kushërirën time. Tani janë bashkë akoma ata. Por hajër kurrë nuk do të bëjnë.
Unë punoj, se dua të heq mendjen. Por akoma nuk gjej paqe. Nuk jam nopur vetëm me atë rrahje që i bëra asaj, ishte hakmarrja minimale…”, shkruan ajo. /ShkodraNews
