Prokuroria e Krimeve të Rënda, ka thirrur sot si person nën hetim, deputetin e PD-së Ervin Salianji, për ta pyetur për të tretën herë, rreth dosjes “Babale”, ku deputeti dyshohet si i përfshirë në akuza shumë të rënda që rëndojnë mbi të.
Salianji u mor sot në pyetje tlidhur me audio përgjimin e famshëm të “Babales”, ku dy ish të dënuar kanë improvizuar një audiopërgjim me premtimin se do paguheshin 200 mijë euro nga opozita dhe pikërisht nga deputeti Salianji, që të implikonin në pazare droge, vëllain e ministrit të Brendshëm Fatmir Xhafaj.
Pasi disa orësh qendrimi ne Prokurori, Salianji pohoi përpara gazetarëve, se ishte pyetur kryesisht për videon e dytë të publikuar në emisionin “Opinion”, dy ditë më parë, ku shihej i arrestuari Alfred Alizoti, që imitonte zërin e Agron Xhafaj në këmbim të parave të thoshte broçkullat e radhës.
Deputeti Salianji, që rrezikon burgun për akuzën “Kallëzimit të rremë” në bashkëpunim”, nuk ka arritur të konfirmojë asgjë me videon e dytë të publikuar në emision, se nuk është i përfshirë nga akuzat që rëndojnë mbi të, ndaj sot, ai u duk më i palumtur kur doli nga Krimet e Rënda dhe kërkoi ndihmë në Zot, pasi është braktisur nga të vetët, sikur të ishte prekur nga sëmundja e lebrës!
Ja çfarë u përgjigj ai para gazetarëve se përse ishte thirrur kaq me ngut ai i është përgjigjur:
“Kryesisht për videon e publikuar. Aty isha thirrur përpara se ta publikoja videon. Pyetjet ishin për publikimin e videos së tyre. Sapo të dalë nga dera, do tu përgjigjem. Do viheni në dijeni të plotë për të gjithë rrethanat e kësaj çështje”, tha ai.
Nuk dihet nëse organi i akuzës do kërkojë heqjen e imunitetit për deputetin Ervin Salianji, që i hap rrugë më pas caktimit të masës së sigurisë ndaj tij, por kur gazetarët e pyetën atë nëse beson tek Prokuroria, Salianji i vetmuar papërkrahje u shpreh se:
“Unë kam besim vetëm në Zot, ndërsa Rama tek Alizoti”!
Në lidhje me çështjen, prokuroria ditë më parë caktoi masën “arrest me burg” për dëshmitarin Albert Veliu, i njohur si “Babalja”, i cili u prangos ditën e djeshme për llogari të drejtësisë shqiptare, në qendrën e azilit në Kosovë.
Ndërsa, Fredi Alizoti, u arrestua pasi pranoi se ka imituar zërin e Agron Xhafajt në këmbim të 200 mijë eurove (100 secilit prej të arrestuarve), që do i merrte nga PD, e përkatësisht nga deputeti Salianji.
Gjithashtu është caktuar masa “Detyrim paraqitje” për gazetarin Jetmir Olldashi për akuzën “kallëzim i rremë”, ndërsa deputeti Salianji është ende nën hetim./Ekskluzive.al
