Një përgjigje me humor e Aurela Gaçes në pyetjen për bashkëpunim me Luiz Ejllin, mjaftoi që rrjeti të “merrte flakë”.
E gjitha nisi në një intervistë të dhënë nga Aurela Gaçe për tch, ku u pyet lidhur dhe me dëshirën e shprehur nga Luizi për një bashkëpunim mes tyre.
“Luizi kur ka qenë brenda më ka përmendur si një nga artistet e preferuara dhe kjo është gjë e mirë që brezat më të vonë se ti të duan dhe të respektojnë për punën.
Luizi ka arritur atë që çdokush që hyn në Big Brother do të donte dhe është tani në majat e tij.
Edhe unë i kam arritur me kohë qëllimet e mija prandaj them që bashkëpunimet më të mira vijnë pasi ta kesh kaluar famën. Në atë momentin “wow” bëhen për hobi, e pastaj për t’i dhënë kënaqësi vetes dhe publikut që të ndjek.
Kështu që Luiz, më vonë, kur ta kesh shijuar karrierën. Unë këtu do të jem edhe pas 20 vjetësh”, tha Aurela Gaçe.
Mirëpo kjo deklaratë u përdor në rrjet si refuzim, e madje shkaktoi edhe debat në rrjet.
Gazetari Mentor Kikia tha se nuk duhen krahasuar nivelet e Aurelës dhe Luizit, e më pas ky i fundit reagoi duke i listuar arritjet në karrierë.
Për t’i vënë pikat mbi “i”, Aurela sqaroi se titulli i “Top Channel” u bë për klikime, e se me ndërhyrjen e saj është ndryshuar.
“Nuk ka faj njeri jo. Fajin e kam unë që jap përgjigje. Por lajmin, titullin, e paska bërë vetë Top Channel. Sigurisht na shohin si klikime, se kë dëmtojnë, se çfarë sajojnë dhe në kurriz të kujt, s’ka problem për ta.
Sot u ktheva në Tiranë, dhe shumë vonë pashë titullin e bërë në webin e vetë Top Channel. E ndërruan mbasi i kontaktova e u kërkova llogari, por tani, tepër vonë. Faji ngelet jetim.
Vini re, vini re. O Zot, çfare ndodh në këtë vend, vetëm nga një titull karrem… nuk di, nuk kam fjalë. Dëgjoni atë që kam thënë. Shikoni intervistën. Lexoni atë që kam thënë. Është mëse e qartë, e zeza mbi të bardhë.
Kam dhënë respekt dhe vetëm kaq. Madje, kam thënë se unë bëj bashkëpunim për qejf e jo për famë. Apo nuk kuptohet mirë as kjo? Ai talentin e ka pasur edhe më parë, dhe mund të ndodhte një bashkëpunim edhe pa pasur këtë zhurmë.
Unë e vlerësoj zerin, edhe pa famë. Edhe vetë bashkëpunimet e mija ndër vite kanë treguar se nuk kam rendur mbas famës së dikujt, por kam bërë bashkim energjish me njerez e artistë që vlerësoj.
Pra, nëse kam thënë se unë këtu do të jem edhe mbas 29 vitesh, është shumë e qartë se jam gati të këndoj me dikë që ka talent edhe mbasi fama të bjerë ose të venitet.
Më qartë se ka s’di. Me shumë respekt se kaq, prapë nuk di. Tutulli karrem i përdorur për të ndezur gjakra u bë, u sajua. Bravo. Mua, më përdorën MISH PËR TOP. Hallall. Jeta vazhdon”.
