Drejtori i Agjencisë ë Blerjeve të Përqendruara pranë Ministrisë së Brendshme, Endri Mullai, nisi t’u devijonte thirrjeve të SPAK për t’u pyetur për një dosje korrupsioni dhe bashkëpunimi me krimin e organizuar.
Në këto kushte, një grup nga Byroja Kombëtare e Hetimit, është shfaqur në mënyrë të befasishme në zyrën e Mullait, duke e shoqëruar me forcë për në SPAK.
Skuadra e BKH-së e ka mbajtur në ajër drejtorin, i cili u shfaq në SPAK si lepurush korrupsioni.
Ndaj Mullait ka rreth 30 denoncimet për afera.
Mes të tjerave, mësohet se Endri Mullai është pyetur për një tender që i ka dhënë anëtarit të bandës së Talo Çelës, Gentian Sharrës, me vlerë 2.4 milionë USD.
Tenderi është formosur nga Mullai disa ditë para se Gentian Sharra të shpallej në kërkim nga SPAK për disa vepra të rënda penale dhe para se Sharrës t’i sekuestrohej pasuria si produkt i aktivitetit kriminal, si grabitje bankash, grabitje me dhunë etj.
Tenderi i dyshuar si korruptiv është firmosur pikërisht nga Endri Mullai, drejtori i Agjencisë ë Blerjeve të Përqendruara, agjenci e cila dy vjet më parë ishte objekt goditje nga SPAK për skandalin e tenderit të uniformave të policisë, me vlerë 27 milionë USD, ku u arrestuan 9 zyrtarë, mes të cilëve edhe drejtoresha Edlira Naqellari, e dënuar me 1 vit burg.
Tenderat Sharra i ka marrë përmes bashkëshortes, Olta Sharra.
Prapaskena mëson se pas Gentian Sharrës qëndron një deputet i PS-së, i cili komandon kryetariin e Komisionit të Prokurimit Publik, Jonaid Myzyri, i njohur si ‘xhuxhi i tenderave’, i cili ka qenës punonjës i Arbër Abazit, një nga përfituesit më të mëdhenj të fondeve publike.
Kemi të bëjmë me një rast klasik me një bashkim të krimit të organizuar, killareve, politikës, ligjvënësve dhe zyrtarëve publike, për të plaçkitur buxhetin e shtetit
Nuk dihet nëse SPAK do t’i shkojë deri në fund kësaj historie dhe nëse bllokimi i telefonit të drejtoreshës së Autoritetit Kombëtar të Ushqimit, Jeta Deda, ka lidhje me tenderin në fjalë.
Tenderat e tjerë
Tenderat e tjerë me vlerë mbi 10 milionë USD Gentian Sharra i ka marrë nga ish drejtoresha Edlira Naqellari, e cila duhet të tregojë për SPAK se kush e ka ardhuruar që të ndajë paratë publike me një grabitës dhe trafikant droge.
Edlira Naqellari ka shpallur fituese me paracaktim gruan e Gentian Sharrës për tendera me vlerë miliona euro për mish, gatim dhe shpërndarje ushqimi, për spitalet, drejtorinë e burgjeve etj.
Mbi 20 tendera për furnizim me mish dhe gatim, Gentian Sharra i ka marrë nga kryetari i Bashkisë së Elbasanit Gledjan Llatja dhe kryetari i Bashkisë së Librazhdit, Kastriot Gurra.
Edhe drejtorët e Spitalit Psikiatrit të Elbasanit kanë ndarë miliona euro me grabitësin famëkeq Gentian Sharra, i kamufluar me gruan e tij, Olta Sharra. Në një rast, nga Spitali Psikiatrit Olta Sharra ka marrë një tender me paracaktim me vlerë rreth 2.5 milionë euro.
Kujtojmë që tenderat Gentian Sharra i ka marrë pas vitit 2016, kur ndërkohë vijonte grabitjet me dhunë me Talo Çelën.
Sharra ka ngritur kompaninë me para të grabitura dhe më pas ka nisur të marrë para publike, falë lidhjes me funksionarë publikë.
