Gazeta austriake “Kronen Zeitung” ka shkruar një artikull ku hedh dyshime se presidenti Ilir Meta ka paguar 700 mijë dollarë për lobim përmes një kompanie qipriotë guaskë për të siguruar një foto në kohën e ceremonisë së betimit të ish-presidentit amerikan Donald Trump.
Sipas Baton Haxhiut, kur dikur printoheshin nëpër shtypshkronja këto gazeta quheshin shtyp i verdhë (brenda 1 të vërtete janë 5 të pavërteta).
Analisti u shpreh se sidoqoftë ata e kanë një farë të vërtete për aq kohë sa janë brenda një sistemi demokratik dhe ligjor dhe nuk gabojnë në qëllim, por në fakte.
“Se Ilir Meta ka paguar për një foto me Trump jam i bindur sepse ata e kanë një fakt diku, por që ka paguar 700 mijë euro mendoj se është pak e tepruar, vetëm nëse Trump si biznesmen që ka qenë ka mundur të rrisë peshën e lobimit” – u shpreh Haxhiu.
