Presidenti Ilir Meta ka reaguar për herë të parë lidhur me procedimin e drejtuesit politik të LSI në Pukë si dhe arrestimin e një sekseri që u kap me lista votuesish dhe lekë në makinë, disa ditë më parë.
Meta nuk pranoi t’i përgjigjet pyetjes së gazetarit lidhur me këtë ngjarje, por sulmoi kryeministrin Edi Rama duke thënë se është kapur në flagrancë me databazën e të dhënave të votuesve.
“Është kapur Edi Rama në flagrancë, dhe në 5 prill do ta shikoni në Vlorë, në qendrën e gravitetit të shpërthimit dhe zemërimit ndaj pushtuesve”, u shpreh Meta.
