Ilir Meta më në fund është kujtuar të ngushëllojë familjarët e të vrarit në Elbasan, mjekut Pjerin Xhuvani, të cilin e ka pasur edhe kryetar të partisë së tij.
Megjithatë, ai bën përgjegjës për vrasjen Policinë dhe Prokurorinë, jo autorin e krimit.
“Situata është tepër kritike, mjafton të shohim sa krime janë bërë në këto katër ditët e fundit.
Për fat të keq dhe Elbasani i dijes, i kultures, i qytetarise është kthyer ne një nga qytetet problematike.
Kjo situatë vjen si rezultat i policisë dhe të prokurorisë që janë të njëanshme dhe kjo është mëse e dukshme sepse njerëz të caktuar ecin të armatosur.
I shpreh ngushëllimet e mia familjes se viktimes dhe shpresoj për shërimin sa më të shpejt të te lënduarve.
Unë bëj thirrje për rikthimin në normalitet dhe të mos ndodhi më situata të cilat përfundojnë me tragjedi.
Policia e shtetit të zbardhi sa më shpejt krimin e ndodhur dhe të vihen përpara drejtësisë personat që kanë bërë këtë krim.
