Dikur, në koridoret e politikës e quante “prostitutë politike” dhe sot garon nën “strehën’ e tij.
Është fjala për Mesila Dodën dhe akuzat e saj ndaj kreut të PD Lulzim Basha. Doda u largua nga Partia Demokratike, në vitin 2015 në mes akuzash dhe sulmesh ndaj kreut të PD-së Lulzim Basha, për t’u bashkuar një vit më vonë, në 2016 –ën, me PDIU-në e Shpëtim Idrizit.
Me kalimin në PDIU, ajo u bë pjesë koalicionit me Partinë Socialiste. “Nën sqetullën” e Ramës, si deputete, Mesila Doda vijoi me fyerjet dhe akuzat ndaj Lulzim Bashës.
Është e njëjta Mesilë, që sot po pretendon një vend në Kuvend në krah të Bashës. E njëjta Mesilë që sot ka ndërruar kursin dhe tashmë hakërrehet kundër Kryeministrit Edi Rama. Nuk ka ndryshuar sharjet fyerjet dhe sulmet thjesht ka zëvendësuar Bashën me Ramën.
Ndryshon Mesila, por faktet mbeten të pandryshuara.
Faktet
Në vitin 2014, në rolin e deputetes, Mesila Doda, ka dalë kundër kreut të PD Lulzim Basha, në kohën kur opozita bojkotoi Kuvendin. Një vit më vonë, në 2015-ën, Doda e akuzoi Bashën se nuk mban një standard të vetëm në lidhje me vendimmarrjen brenda partisë. Kujtojmë se në fjalën e mbajtur në mitingun e hapjes së fushatës në Tiranë, Mesila Doda, kandidate e PDIU-së në Tiranë, u shpreh se Partia Demokratike ka një kryetar të emëruar që pasi vodhi çfarë i doli përpara, u futi thikën miqve dhe bashkëpunëtorëve.
“Partia Demokratike ka një kryetar të emëruar që pasi vodhi çfarë i doli përpara, u futi thikën miqve dhe bashkëpunëtorëve. Guxon të na etiketojë si parti e marrëveshjeve të natës. E di që pas kësaj do lëshosh hienat dhe çakejtë, por nuk kam frikë nga ty i pabesi holandez dhe as nga ajo që përfaqëson në politikë”, ka thënë Doda.
Po në vitin 2017, Doda ka sulmuar Lulzim Bashën për vjedhje votash dhe abuzime dhe marrëveshjen me kryeministrin Edi Rama.
“Më së pari duhet t’i kujtoj bashkëkryetarit të Qeverisë, që duhet të kalojë në opozitë e të bëhet lider i PD, e më pas të kërkojë të bëhet lider i opozitës. Më duhet ti kujtoj se falë pazareve të tij me bashkëkryetarin tjetër të Qeverisë, një mandat i PDIU vlen 25.000 vota, duke e bërë krejt të pabarabartë dhe diskriminuese garën mes nesh dhe partive të tjera.
Duhet ti kujtoj që falë pazarit të tij të natës së 18 Qershorit dhe abuzimit me ligjin e kodin zgjedhor, sot PDIU i janë vjedhur 3 mandate dhe kanë shkuar në kosh 40.000 vota, duhet ti kujtoj se nuk e tha një fjalë e heshti si fija e barit kur PDIU kërkoi hapjen e kutive të Tiranës, duke parë vjedhjen flagrante të mandatit të saj në Tiranë, por votoi pro moshapjes së kutive duke u bërë e vetmja opozite në botë që nuk kerkon e nuk don transparencë”, është shprehur Doda./CNA.al
