Nga falja e kësteve të mbetura të kredive të marra nëpërmjet Entit Kombëtar të Banesave, për blerjen e një banese do të përfitojnë vetëm familjet e shpërngulura për shkak të ndërtimit të veprave publike dhe në pamundësi financiare.
Por në lajmin e publikuar sot në media ka dalë në pah një tjetër fakt që tregon se si deputëte të Kuvendit të Shqipërisë apo zyrtarë të tjerë të Partisë Demokratike në kohën që kanë qenë në pushtet kanë marrë kredi të buta, kredi të cilat mund të strehonin qindra familja më në nevojë se ata .
Në lajmin e publikuar nga Shqiptarja.com, shihet se si deputetë të PD-së si dhe funksionarë të lartë të saj kanë marrë kredi si të pastrehë gjatë periudhës 2010-2013.
Çfarë ndodh sot?! Këta që dje kanë marrë kredi si të pastrehë duke ja hequr atyre që vërtetë kanë nevojë, dalin dhe u kërkojnë atyre që nuk morën kredi që të protestojnë krah tyre kundër varfërisë.
Por, kjo filozofi e Partisë Demokratike e cila siç duket nga dokumentat kishte vendosur një standart anti-social ku pasanikët merrnin kredi të buta e të varfrit jo, është edhe një tregues i babëzisë së politikës shqiptare. Oerd Bylykbashi, deputet i PD-së, Enno Bozdo ish-nënkryetar i bashkisë së Tiranës etj, janë jo thjeshtë dy individë, por filozofia e Partisë Demokratike e cila e sheh (bazuar në dokumentat e publikuara) pushtetin si instrument për tu pasuruar vetë ndërsa në opozitë ‘harrojnë’ dhe i ‘qajnë hallin’ të varfërve.
Në datë 26 maj PD ka thirrur një protestë. Oerdi, Enno, Ivi etj do të jenë në krye të protestës krah Bashës e Berishës, duke ju bërë moral shqiptarëve kundër varfërisë. Tallja që i bëjnë qytetarëve zyrtarët e Partisë Demokratike është ndoshta edhe arsyeja e dështimit të ç’do proteste dhe rezultatit të zgjedhjeve që shkuan!Lexo.al
