Ish-drejtori i Policisë, Mithat Havari, duke komentuar vrasjen e ish-komisarit Artan Cuku, kur nje dite me pare u zbulua edhe se kush ishte urdheruesi i saj, në një bisedë në Fax News, ka treguar se edhe vetë i ka shpëtuar për një fije atentatit të organizuar ndaj tij, nga një prej kriminelëve të arrestuar sëfundmi.
Havari thotë se kur je i braktisur nga shteti, kriminelët të gjejnë pikën e dobët dhe kryejnë aktin, veçanërisht ndaj funksionarëve të lartë në Policinë e Shtetit.
“Kur je i braktisur në rrugë kriminelët të gjejnë të dobët dhe kryejnë aktin.
Vite të shkuara kur unë kisha punuar në Berat, Policia vrau një nga kriminelët më të rrezikshëm, sepse është luftë, ose të vret ose vritesh.
Plumbi i shtetit është më i fortë pasi është i mbështetur me ligj. Një nga kriminelët më të rrezikshëm, Kastriot Jaupi, që iu vra vëllai, organizuan një atentat për të më ekzekutuar. E kam lexuar me sytë e m’i letrën ku thoshte se “nuk vdes pa vrarë Mithat Havarin”.
Unë isha drejtor i Policisë së ndërtimit, e kam jetën nga Ilir Meta, që më thirri të mbështesja Policinë në një protestë. Ata shkuan në zyrën time, ndërkohë që unë nuk isha aty. Aty unë e pashë keq, bëra thirrje publike që shteti të më mbronte.
Jeta është shumë e shtrenjtë dhe do ikja për dhjam qen siç thotë populli, se vijnë dy minuta ngushëllojnë familjarët dhe më pas harrohesh.
Për tre muaj me radhë unë u mora në mbrojtje nga ana e Policisë dhe nga ana e SHISH, ndërkohë që krimineli iku në Spanjë dhe më pas u arrestua për krime të tjera”.
