Leoni është thirrur në “Ka Një Mesazh Për Ty” nga ish-partnerja e tij, Katerina e cila është gjermane dhe ka përgatitur një surprizë për të.
Në ditëlindjen e tij dhe të gjyshes së vajzës së saj, ajo ka sjellë të bijën për të takuar të atin në programin “E diela shqiptare” në Tv Klan. Pas ndarjes së tyre kur vajza ishte dy vjeçe e gjysmë, Leoni u kthye në Shqipëri prej një ekspulsi.
Gjatë kësaj kohe ka qenë e vështirë mbajtja e kontakteve, por Katerina ka ende shpresë se marrëdhënia me Leonin ka një mundësi. Ajo ka ardhur posaçërisht nga Gjermania dhe Leoni tregon se është disi i përgatitur për personin që do shfaqet pas ekranit sepse mendon se qëndron e bija.
Leon: Ajo është! Princesha e Janinës! Princesha e babushit!
Ardit Gjebrea: Donte kaq shumë të të takonte.
Leon: Të dua shumë! Më ke munguar shumë! Je shumë e bukur si një princeshë! E mendoja deri diku që do ishte por…
Ardit Gjebrea: Të dukej e pamundur.
Leon: Ishte një pikëpyetje e madhe, por që… është një dhuratë… një dhuratë unë e di që e kam, ma dha Zoti sipas dëshirës, por që sot është edhe një dhuratë tepër e madhe për datëlindjen time. Kjo ishte po prapë një mundësi tepër e madhe që unë kam një vizitor për datëlindjen time dhe shumë urime nga vendi im.
Ardit Gjebrea: Ke dy vizitorë, nuk ke një.
Leon: Po, patjetër.
Ardit Gjebrea: Se po mos të ishte ajo, nuk do të ishte princesha jote.
Leon: Po.
Ardit Gjebrea: Si e vlerëson këtë akt që ka bërë Katerina duke të sjellë vajzën sot këtu?
Leon: Unë jam përpjekur që të lë diçka ku në atë qytezë që unë kam jetuar dhe kam një fëmijë sot, jam përpjekur që të gjitha ato dyer t’i kem të hapura.
Ardit Gjebrea: Ndërkohë, shoh që për asnjë moment nuk e përmend emrin e Katerinës. Përse?
Leon: Nuk them se nuk e përmend, unë emrin e Katerinës e përmend, por që jemi pak të shtypur në shqiptarët nga egoja dhe qëndrojmë pak… nuk ka një përshtatshmëri kultura ballkanike me atë europiane dhe kur ka një mospërputhje atëherë ndërlikohet edhe një bashkëjetesë. Jo se Katerinën nuk e dua, unë e dua Katerinën, shumë.
Ardit Gjebrea: Prit të ndalojmë pak këtu. Katerina, Leoni tha që të do akoma.
Katerina: Unë e di këtë.
Ardit Gjebrea: Dhe Katerina tha që akoma dhe sot e kësaj dite zemra e saj rreh vetëm për ty dhe nuk ka asnjë mashkull tjetër në jetën e saj dhe nuk ka patur që në momentin që është lidhur me ty dhe akoma e kësaj dite.
Leon: Dhe unë s’kam aspak dyshime./tvklan.al
