Nga Anri Bala
“E besova shejtanin, që e vraftë Zoti edhe e qërroftë… e zëntë tek buka e kalamajve”, se më premtoi që të hapja gazetën e tij, nëse e ndjeja veten shqiptarë. Po më përmende “flamurin”, aty nuk e mbaj dot! E hapa atë dreq lajm, se më premtoi që do dëgjoja çudira… por publikimi më zhgënjeu aq shumë sa të gjithë mallkimet e Neritanit dhe Hazbiut i ka hak.
Sipas gjermonit, na qenka çudi që një Kryeministër i zgjedhur me votë nga shqiptarët, njëkohësisht dhe kryetar partie nuk duhet komunikim me shefin e fushatës të një qarku të caktuar, madje sipas tij: “A i arrite objektivat?!”, na qenkërka organizim partiak për blerje votash.
Nuk e di në ta quaj marrëzi apo naivitet… por gomar më të madh nuk më kishin zënë sytë ndonjëherë! Madje duke parë gjermonin, këtyre të avllisë time i paskam rënë në qaf kot gjithë këtë kohë.
Publikimi i “gjermonit”, që mbron shqiptarët dhe Shqipërinë nga k.rimi elektoral i të majtës së drejtuar nga Edi Rama, nuk është as më shumë dhe as më pak një manovër e ndyrë e ish prokurorisë së Adriatik Llallës, kësaj “hjeksje” të vrasësit të integrimit dhe Reformës në Drejtësi.
Por rezultati do ishte surprizues nëse “hjeksat” do ishin kujtuar shumë më përpara, duke përdorur shërbimin e përgjimeve, nga ushtarët e përjetshëm të Sali dixhitalit, nën komandën e gjeneral 97-ës Visho Ajazit, e të kishin arritur të paktën fazën fillestare të fillimit të një hetimi: Kapjen në flagrancë të njërit prej të përgjuarve, duke paguar, shantazhuar, apo frikësuar e dhunuar votues.
Të përgjosh kryeministrin e vendit dhe ta argumentosh që po hetoje dhe përgjoje një qytetarë për korrupsion kur zotëria ishte vetëm një drejtues i fushatës elektorale të së majtës në atë zonë… ky është një skandal i madh.
Nuk mundesh kurrsesi të mendosh, se prokuroria e ka patur sinqerisht, por vetëm poshtërsisht këtë ndërmarrje të rëndë kriminale: Përgjimin e pozitës qeverisëse deri “poshtë krevatit”, pa leje dhe pa ligj, pa arsye por me Maliq… ashtu siç mund të përgjohej vetëm një grup i strukturuar kriminal.
Por ajo që e diskretiton dhe e akuzon për një vepër të rëndë penale ish prokurorinë dhe Adriatik Llallën, hjeksat e tij, ish gjykatësit që kanë marrë pjesë në këtë dosje kriminale, shantazhuese dhe drejtuesit e tyre, është mos hetimi i grupit të paramilitarëve të drejtuuar nga Flamur Noka, të cilët kryen disa vepra penale në zonën e Maqellarës, sipas komunikatave të policisë dhe duhej me patjetër të hetoheshin dhe përgjoheshin më e pakta për të nxjerrë të vërtetën e akuzave dhe denoncimeve të policisë ndaj tyre, por… asgjë s’ndodhte deri në shtatorin e ardhshëm, kur Llalla do bënte premtimin e tij të radhës!
Sot janë krijuar të njëjtat grupe partiake si “Cosa Nostra”, të quajtuar “Komiteti i shpëtimit të demokracisë”, si ata që zbarkuan në Dibër dhe në Maqellarë në 2016, 100 anëtarët e Korpusit “Azem Hajdari”. Prokuroria heshti edhe dje… edhe sot dhe ato vazhdojnë bëjnë gjëmën deri me kërcënim me jetë të funksionarëve të shtetit, e pse jo edhe tentativa vrasje, duke përdorur çdo mjet të rrezikshëm, me përjashtim të armës… luftarake.
Kjo strukturë e posaçme asokohe me ish-policë dhe persona me të kaluar të dyshimtë, të veshur njëlloj me të zeza, u përdor nga PD në zgjedhjet për Bashkinë e Dibrës. Në këto zgjedhje u angazhuan gjithashtu edhe Arben Sefgjini, një ish i akuzuari për një krim makabër… zhdukjen e një biznesmeni maqedonas, ngjarje e pa zbardhur akoma dhe kryetari i Bashkisë së Kamzës Xhelal Mziu, që shiste gjykatave me pranga në duar për abuzime me fondet publike, kryebashkiaku me famë ndërkombëtare deri në Hollandën e Lulzim Bashës, Dasho Aliko i Lazaratit dhe i gjithë kahu i fortë i Partisë Demokratike, të cilët u akuzuan me në krye Mulin, se ngritën postoblloqe në zonën e Maqellarës, duke kontrolluar automjetet dhe qytetarë, në kuadër të planit për mbrojtjen e votave, goditën e dhunuan qyetarë dhe terrorizuan vendin me eskorta makinash Q7, Mercedez, BMW etj.
Por prokuroria as që pati dhe as paska patur kohë të hetonte dhe të përgjonte këto vepra dhe këto autorë të këtyre veprave, që në kodin penal shqiptarë quhen krime. Por ama pati nxitimin, obligimin, pasionin për “drejtësi” për të përgjuar një qytetar pa funksion shtetëror, që deri në ato çaste nuk kishte kryer asnjë krim, por ishte kryetari i fushatës së PS në zonën e Maqellarës.
Por “pushkës pa gjilpërë” gjermane, bandës së akuzuar publikisht nuk i kanë bërë aspak përshtypje të gjithë këto emra, sepse përgjimet ja kanë dhënë të përkthyera keq për “shqipen” e tij të çalë! Halli jonë është brenda shtëpisë tonë, për stallën e derrave që duhen “skartuar”, hjeksat e vrasjes së reformës… prokurorët, që ty të kanë përdorur sipas hallit.
Por koha nuk pret, nëse prokuroria hesht dhe nuk i arreston të gjithë prokurorët dhe gjyqtarët që kanë marrë pjesë në përgjimin e gjithë kupolës dhe administratës shtetërore dhe kanë pranuar se kanë përgjuar dhe hetuar pa patur asnjë element të veprës penale, atëherë flini të qetë, se jeta juaj është një hiç… ju përgjoheni edhe kur urinoni./Ekskluzive.al
