Aktorja e njohur Jane Fonda për shumë vite luftoi me buliminë dhe çrregullimet e të ngrënit, ndërsa bota e pa si yllin magjepsës të Hollivudit!
Jane Fonda luftoi me një çrregullim të të ngrënit për dekada, por e mbajti buliminë të fshehtë nga bota.
“Nuk isha shumë e lumtur nga adoleshenca, do të thoja, deri në moshën 50-vjeçare.
Më mori shumë kohë. Isha në të 40-at dhe nëse vuani nga bulimia, sa më shumë të rriteni aq më keq bëhet.
Duhet më shumë kohë për t’u rikuperuar nga një luftë,” tha ajo për Harper’s Bazaar në një intervistë të vitit 2011.
“Më duhej të bëja një zgjedhje: të jetoja ose të vdisja”, dhe tha se ajo vendosi “ta mbushte atë hapësirë boshe me diçka”.
Në momentin që karriera e saj po ngrihej, ajo filloi të vuante nga bulimia.
“Kam bërë një jetë të fshehtë. Isha shumë, shumë e pakënaqur. Mendova se nuk do të jetoja pas të 30-ave,” tha Fonda, duke bërë shaka se nuk e “kupton” se si është të jesh 86 vjeç tani.
Ajo detajoi “jetën e fshehtë” që bënte, e cila konsistonte në mosdaljen dhe të qenit “e pakënaqur” në përgjithësi.
“Dhe më pas bëra edhe filma që nuk më pëlqyen shumë”. Kështu u shpreh ajo derisa ju referu komedive romantike në fillimet e karrierës së saj, si Tall Story (1960) dhe Sunday in New York (1963).
“Duket kaq e pafajshme në fillim,” tha Fonda për përvojën e saj me çrregullimin e të ngrënit.
Ajo që nuk e kuptoni është se bëhet një varësi e tmerrshme që pushton jetën tuaj.”
“Dita juaj është e organizuar rreth marrjes së ushqimit dhe më pas ngrënies së tij. E kjo kërkon që ju të jeni vetëm dhe të mos dini se çfarë po bëni.
Është një gjë shumë e vetmuar. Dhe ju jeni të varur. Nëse vendosni ushqim, dëshironi që të merrni shpëtim prej tij”.
Ajo tha se e lidh luftën e saj me ushqimin e çrregullt me ndjenjën e pasigurisë gjatë asaj periudhe të jetës së saj.
“Ndodh kur jeta juaj është autentike, kur ajo që duhet të bëni dhe kush supozohet të jeni ose kush jeni në të vërtetë, ato gjëra … tradhtohen.”/abcnews.al
