Policia ka sekuestruar sot pasurinë e dy vëllezërve Armando dhe Alket Gorezi, pasi dyshohet se ishin përfituar nga aktiviteti k.riminal.
Mësohet se Armando Gorezi u a.rrestua dhe u ekstradua drejt Italisë në korrik të vitit 2015, pasi në vitin 2011 ka v.rarë në një shesh publik shqiptarin me iniciale I.K.
Në sajë të operacionit të koduar “Vllazëria”, dy vëllezërve Gorezi iu sekuestruan nëntë apartamente, dy dyqane dhe një garazh, që kapnin vlerën e dy milion e dyqindmijë eurove.
Njoftimi:
Finalizohet operacioni i koduar “Vllazëria” nga Seksioni i Pastrimit të Parave në DVP Tiranë, në bashkëpunim me Prokurorinë e Rrethit Gjyqësor Tiranë.
Sekuestrohen nëntë apartamente, dy dyqane dhe një garazh, pasuri këto të dyshuara të përfituara nga të ardhura të rrjedhura nga aktiviteti k.riminal i dy vëllezërve.
Seksioni për Pastrimin e Parave në DVP Tiranë, në bashkëpunim me Prokurorinë e Rrethit Gjyqësor Tiranë në funksion të procedimit penal të vitit 2018 “Pastrimi i produkteve të veprës penale ose veprimtarisë k.riminale”, në ngarkim të shtetasve A. G., 44 vjeç dhe A. G., 47 vjeç (vëllezër), finalizoi operacionin policor të koduar “Vllazëria”, në kuadër të të cilit u bë ekzekutimi i vendimit të Gjykatës dhe sekuestrimi preventiv i :
– nëntë apartamenteve
– dy dyqaneve
– një garazhi (të ndodhura në qytetin e Tiranës dhe Durrësit të cilat kapin vlerën e dy milion e dyqindmijë euro)
Pas një pune disa mujore në funksion të procedimit të rregjistruar duke përdorur metodat speciale të hetimit, janë identifikuar pasuri të cilat nuk justifikoheshin nga ana ekonomike e financiare dhe rridhnin nga aktiviteti k.riminal i dy vëllezërve.
