Zëdhënësja e Qeverisë, ministre e Shtetit për Marrëdhëniet me Parlamentin, Elisa Spiropali u shpreh se ka një kakofoni në lidhje me informacionin që marrin studentët nëpër fakultete.
“Duke i ndjekur me shumë vëmendje shqetësimet e ngritura nga studentët, na rezulton se ka një kakofoni në lidhje me informacionin që marrin nëpër fakultete dhe ka një zvarritje të pa nevojshme nga sekretariatet.
Nuk është plotësuar dokumentacioni për studentët në ndihmë ekonomike të cilët do të përfitojnë pagesën e plotë të tarifës si dhe bursë 100 mijë lek të vjetra.
Studentët me mesatare 9-10 përfitojnë heqje të tarifës dhe bursë 100 mijë lek si dhe disa kategori të tjera studentësh përfitojnë bursë dhe lehtësim të tarifave.
Ka një kakofoni në lidhje me bashkitë, në shumë raste sekretaritë e univeristeve nuk i orientojnë saktë studentët për procedurat por i drejtojnë drejt bashkive të cilat nuk kanë asnjë lidhje me këtë proces”, u shpreh Spiropali.
Gjithashtu ministrja i bëri thirrje rektorit të garantojë për studentët të drejtën për mësim dhe marrjen e informacionit të plotë në kohë.
