Kryeministri Rama ka nxjerrë “zbuluar” mashtrimin e kryedemokratit Lulzim Basha pasi publikoi pamjet nga takimi me banorë të Unazës së Re.
Rama ka shkëputur disa sekuenca nga rrjeti social ‘Facebook’ i Bashës duke pretenduar se videoja nuk është regjistruar sot, pasi Bashën e tradhton koha me shi.
“Ndërkohë që fle në këtë ditë shiu, Lulëzim Basha del në tv me një video të xhiruar në ditë me diell, ku siç shihet vazhdon të infektojë me krenari ndjekësit e tij!”, shkruan Rama.
Kreu i qeverisë shprehet se do të vazhdohet vaksinimi masiv dhe distancomi fizik për ta fituar këtë luftë.
“Ne vazhdojmë vaksinimin masiv dhe distancimin fizik për ta fituar këtë luftë, me vetëdijen se shëndeti i shqiptarëve është mbi gjithçka. Vaksinimi dhe distancimi do të na nxjerrin së shpejti fitues si popull e si shtet mbi Armikun e Padukshëm, ndërsa turpi i infektimit të përditshëm do të jetë vula që do t’i mbetet humbësve të 25 prillit!”, shkruan kryeministri.
