Rrëzimi i kamerës në emisionin e Çim Pekës ka shqetësuar seriozisht Jarin.
Është hera e dytë që Çim Peka saboton intervistat me rëndësi të udhëheqësve politik:
“Të dashur demokratë,
Jari ju sqaron!
E para ka ndodhur në shkurt të vitit 2011 me Ilir Metën.
Në emisionin “Fakt”, ku ishte i ftuar Ilir Meta, gazetari Çim Peka ka teshtirë fort kur Ilir Meta ka qenë duke sulmuar Edi Ramën, dhe bashkë me teshtimën i ka shpëtuar dhe një pordhë.
Ilir Meta, i vënë më siklet, i ka thënë “shëndet, fjalë e vërtetë” dhe pastaj ka shtuar se “na pordhe dhe emisionin…”
Kjo ka shkaktuar të qeshura dhe ka prishur seriozitetin e emisionit.
Në atë kohë, gjesti i Pekës u muar në analizë nga Flamuri, i cili arriti në përfundimin që Peka kishte pjerdhur emisionin pasi nuk donte të shahej Rama.
Dhe për këtë u mbajt qëndrim.
Tani kjo gjë u përsërit.
Peka e bëri qesharak emisionin pikërisht kur Luli po akuzonte Ramën si të lidhur me bandat dhe drogën.
Kameramani që rrëzoi kamerën ka qenë më parë kameraman i Lulit dhe është pushuar nga puna, pasi i bëri fotografi Jozefinës me Erlën, pasi Jozefina u sulmua nga Luli.
Kjo ishte shenjë se Jozin e mbronte Doktori.
Atëhere Luli u tërbua dhe pushoi kameramanin.
Ky gjeti vend pune tek Peka dhe u hakmor ndaj Lulit në momentin më dramatik.
Nga hetimet e mia rezulton se incidenti ka qenë i sajuar, pikërisht për të bërë qesharake kauzën e Lulit dhe që gjithë titujt e protaleve të kishin të bënin me këtë incident.
Ka shumë dyshime se në momentin kulmor Peka mund të ketë pjerdhur përsëri dhe për të mbuluar zhurmën, kameramani ka rrëzuar kamerën.
Por dhe nëse nuk ka pjerdhur vet ai, ka pejrdhur emisionin, ndaj duhet të mbajë përgjegjësi.
Kjo u bë dhe më e qartë kur Peka bëri sqarim dhe tha se në emisionin e radhës do ketë Edi Ramën.
Pra ai e ka bërë këtë që të zbusë Edi Ramën për t’i shkuar në emision.
Ju ftoj të gjithëve të jemi vigjilentë dhe duhet të ndajmë kontributin e Zenit nga ai i Pekës, për PD-në.
Zeni paguan me sinqeritet, se do të ndihmojë PD-në, kurse Peka bën pazaret e veta dhe pjerdh jo vetëm emisionin, por dhe paratë e Zenit, fituar me djersë.
I juaji, Jari!”
