Jari ka filluar punë në zyrën e propagandës së SHQUP. Meqë është i rënduar nga shëndeti i kanë dhënë si detyrë të bëj çdo ditë dy Twittera në anglisht kundër Edi Ramës. Një twitter lejon 140 fjalë. Të dyja së bashku bëjnë 280 fjalë.
Pas kësaj Jari ja ka nisur me zell punës dhe e ke realizuar çdo ditë.
Por çdo punë ka vështirësitë e veta. Dhe Jari e ka të vështirë ta thotë një mendim në 140 fjalë.
Për këtë ai i ka bërë një ankesë Twitterit.
“I nderuar Administrator!
Unë e respektoj rregullin tuaj që një Twitter duhet të ketë 140 fjalë, por mendoj se duhet të bëni përjashtime për personalitete të veçanta.
Unë që po ju shkruaj kam punuar dhe si President dhe tani që jam në pension në moshë të re, afërsisht në moshën që doli në pension Presidenti Klinton, më duhet të angazhohem në Twitter si presidenti Trump dhe të tërheq vemendjen e njerëzve.
Por kufizimi që kam për 140 gërma është i tmerrshëm.
Fjala vjen, nëse unë do të bëj një Twitter për ish Presidentin Berisha, ish kryetarin e Partisë Demokratike Berisha dhe ish Kryeministrin Berisha, 140 gërma më shkojnë vetëm përshkrimi i detyrave që ka pasur. Po dhe ndonjë shprehje kortezie do ta përdorim dhe pastaj nuk më ngelet më vend as për të shprehur mendimin tim.
E njëjta gjë kur shkruaj për Edi Ramën. Duke theksuar që ai është bos i krimit, i drogës, i korrupsionit, i mafias, Sorosit, Anti-Trump, etj, sapo përfundoj këto vlerësimet mbarojnë gërmat dhe nuk më lejohet të shpreh mendim.
Kjo më ka bërë shumë nervoz. Personalitete si puna ime duhet të kenë të drejtë për më shumë se 140 gërma. Duke qenë se unë kam dhe disa probleme shëndetësore ju duhet të aplikoni dhe një standard për njerëzit handikapat në nevojë.
Me shpresë se kërkesa do të merret parasysh.
I juaji Jari!”
Për çudinë e tij përgjigjia nuk vonoi as dhjetë sekonda nga motori automatik i Twitterit.
“I nderur Jari. Twitter analizoi çdo postim tuaj dhe nuk gjeti asnjë mendim. Kjo do të thotë që nuk keni përse të shqetësoheni. Vazhdoni kështu pa problem.
Twiet ju dëgjon!”
